Live Updates

احتجاج کی کال دیتے ہی خبریں چل پڑی ہیں بانی 5جون کو رہا ہو رہے ہیں، علیمہ خان

بدھ 4 جون 2025 21:15

اسلام آباد (اُردو پوائنٹ اخبارتازہ ترین - این این آئی۔ 04 جون2025ء)پیٹرن انچیف پی ٹی آئی کی ہمشیرہ علیمہ خان نے کہا ہے کہ جب سے احتجاج کی کال دی ہے ہر طرف خبریں چل پڑی ہیں بانی پی ٹی آئی 5جون کو رہا ہو رہے ہیں، (آج) جمعرات کو اسلام آباد ہائی کورٹ میں القادر کیس کی اہم تاریخ ہے، اگر یہ کیس نہیں سنا گیا تو یہ ستمبر تک چلا جائے گا۔

(جاری ہے)

راولپنڈی کی انسداد دہشت گردی عدالت کے باہر میڈیا سے گفتگو میں علیمہ خان نے کہا کہ میں نے ایک بیان میں کہا تھا کہ بات چیت ہمیشہ کچھ لو کچھ دو پر ہوتی ہے، ٹیبل پر بیٹھنے کیلئے لوگ لچک دکھانے کا کہہ رہے ہیں۔

انہوں نے کہا کہ مذاکرات کرنے والے کیا چاہتے ہیں کہ عمران خان سب ترک کردیں بانی پی ٹی آئی سے کہا جارہا ہے حکومت کو قبول کریں اور 9مئی پر معافی مانگیں۔انہو ں نے کہا کہ جب بھی کال آتی ہے بانی کی رہائی کی باتیں بھی شروع ہوتی ہیں، عمران خان نے کہا ہے عمر ایوب تحریک کی ساری ذمہ داری سنبھالیں گے، سلمان اکرم راجا پارٹی کے فیصلوں پر عملدرآمد کروائیںگے۔