چیف منسٹر چلڈرن ہارٹ سرجری پروگرام کے تحت 100 بچوں کی کامیاب دل کی سرجری کے بعد تقریب کا انعقاد

بدھ 4 جون 2025 22:10

ملتان (اُردو پوائنٹ اخبارتازہ ترین - اے پی پی۔ 04 جون2025ء) چلڈرن ہسپتال اینڈ انسٹی ٹیوٹ آف چائلڈ ہیلتھ، ملتان میں 100 بچوں کی چیف منسٹر چلڈرن ہارٹ سرجری پروگرام کے تحت کامیاب دل کی سرجری مکمل ہونے پر تقریب منعقد کی گئی، جس میں بچوں کو تحائف دیئے گئے ۔

(جاری ہے)

اس موقع پر ڈین پروفیسر ڈاکٹر محمد کاشف چشتی نے، چیف منسٹر چلڈرن ہارٹ سرجری پروگرام کے تحت بچوں کے دل کی کامیاب سرجری پر پیڈی ایٹرک کارڈیک سرجری اور پیڈی ایٹرک کارڈیالوجی ڈیپارٹمنٹ کی ٹیم کا شکریہ ادا کیا اور اس اہم سنگ میل کے حصول کو ادارے کی مشترکہ کاوش قرار دیا۔

اس موقع پر ڈاکٹر محمد کاشف چشتی نے کہا کہ وزیراعلیٰ پنجاب اور حکومت نے دل کے مریض بچوں کے لیے یہ انقلابی پروگرام شروع کر کےان بچوں کو ایک نئی زندگی دی جو ماضی میں مہنگے علاج کے باعث اس سے محروم رہ جاتے تھے۔تقریب میں شعبہ کارڈیالوجی چلڈرن ہسپتال کے سربراہ پروفیسر ڈاکٹر سہیل ارشد سمیت پروفیسر ڈاکٹر سہیل ارشد ، پروفیسر ڈاکٹر طارق (کارڈیک سرجن)، ڈاکٹر عثمان ریاض, ڈاکٹر مدثر عدنان اور پروفیسر ڈاکٹر عاصم خورشید شریک تھے۔