Live Updates

انگلینڈلائنز اور بھارت اےکی ٹیموں کے درمیان دوسرا اور آخری غیر سرکاری ٹیسٹ میچ (کل )شروع ہوگا

جمعرات 5 جون 2025 13:20

نارتھمپٹن (اُردو پوائنٹ اخبارتازہ ترین - اے پی پی۔ 05 جون2025ء) انگلینڈلائنز اور بھارت اےکی ٹیموں کے درمیان دو میچوں پر مشتمل سیریز کا دوسرا اور آخری غیر سرکاری ٹیسٹ میچ (کل )جمعہ سے کائونٹی گرائونڈ،نارتھمپٹن میں شروع ہوگا۔دونوں ٹیموں کے درمیان پہلا غیر سرکاری ٹیسٹ میچ ہار جیت کے فیصلے کے بغیر ختم ہوگیا تھا۔

(جاری ہے)

بھارت اے کی مردوں کی ٹیم ان دنوں انگلینڈ کے دورہ پر ہے جہاں اس نے انگلینڈ لائنز ٹیم کے خلاف دو ٹیسٹ میچوں کی سیریز کھیلنا ہے جس کا ایک میچ کھیلا جا چکا ہے جو ہار جیت کے فیصلے کے بغیر ختم ہوگیا ہے۔

دو غیر سرکاری ٹیسٹ میچوں کی سیریز میں بھارت اے ٹیم کو ابھیمنیو ایسوارن لیڈ کر رہے ہیں جبکہ میزبان انگلینڈ لائنز کی ٹیم جیمز ریوکی زیر قیادت میدان میں اترے گی ۔دونوں ٹیموں کے درمیان دوسرا اور آخری غیر سرکار ٹیسٹ میچ 6 سے 9جون تک کائونٹی گرائونڈ ،نارتھمپٹن میں کھیلا جائے گا۔