چیف الیکشن کمشنر اور دوممبران کی تعیناتی کا معاملہ ،اپوزیشن لیڈر کا سپیکر کو خط

ارکان کی تقرری کے لئے پارلیمانی کمیٹی جلد تشکیل دی جائے ،خط کا متن

جمعرات 5 جون 2025 19:38

اسلام آباد (اُردو پوائنٹ اخبارتازہ ترین - آن لائن۔ 05 جون2025ء)قائد حزب اختلاف قومی اسمبلی عمر ایوب خان نے چیف الیکشن کمشنر سمیت دو ممبران کی تعیناتی کے معاملے پر سپیکر قومی اسمبلی کو خط لکھ دیا ہے ۔

(جاری ہے)

اپوزیشن لیڈر نے چیف الیکشن کمشنر و الیکشن کمیشن ارکان کی تقرری کے لیے پارلیمانی کمیٹی کی تشکیل کے لئے آئین کے آرٹیکل 213(2B) کے تحت کمیٹی کے قیام کے لیے خط دوبارہ ارسال کیا ہے خط میں اپوزیشن کی جانب سے قومی اسمبلی کے 4 اور سینیٹ کے 2 ارکان نامزد کیے گئے جن میں قومی اسمبلی سے اسد قیصر، گوہر علی خان، صاحبزادہ حامد رضا، لطیف کھوسہ شامل ہیں جبکہ سینیٹ سے شبلی فراز اور علامہ راجہ ناصر کمیٹی کے لیے نامزد کیے گئے ہیں خط کے متن کے مطابق چیف الیکشن کمشنر کی مدت مکمل ہوئے کافی وقت گزر چکا، تقرری کا عمل تیز کیا جائے۔

متن کے مطابق حکومت جلد سے جلد چیف الیکشن کمشنر اور دیگر دو ممبران کی تعیناتیوں کا فیصلہ کرے۔