Live Updates

روٹ ٹو مکہ پروگرام سے آٹھ ممالک سے 899 پروازیں، 3 لاکھ عازمین مستفید ہوئے

جمعہ 6 جون 2025 14:20

ریاض(اُردو پوائنٹ اخبارتازہ ترین - این این آئی۔ 06 جون2025ء)سعودی وژن 2030 کے تحت روٹ ٹو مکہ پروگرام سے حج 2025 کے لیے آٹھ ممالک کے 12 ایئرپورٹس پر تین لاکھ 14 ہزار 337 عازمین حج مستفید ہوئے ہیں۔عرب ٹی وی کے مطابق اس پروگرام میں پاکستان، ملائیشیا، انڈونیشیا، بنگلہ دیش، ترکیہ ، مراکش، مالدیپ اور کوٹ ڈیوار شامل ہیں۔جدہ کے کنگ عبدالعزیز اور مدینہ منورہ کے امیر محمد بن عبدالعزیز انٹرٹنیشنل ایئرپورٹس پر پروازوں کی تعداد 889 تک پہنچ گئی۔

(جاری ہے)

اس اقدام کا مقصد عازمین حج کا خیرمقدم کرنا اور ان کے ممالک سے سفر حج کے طریقہ کار کو آسان بنانا ہے، جس کا آغاز ای ویزے کے اجرا، فنگر پرنٹس سے ہوتا ہے اور طریقہ کار مکمل ہونے تک جاری رہتا ہے۔مملکت آمد پر عازمین کو ایئرپورٹ سے بسوں کے ذریعے لے جایا جاتا ہے، مکہ مکرمہ اور مدینہ منورہ میں سامان ان کی رہائش تک منتقل کیا جاتا ہے۔روٹ ٹو مکہ پروگرام اب ساتویں سال میں ہے جو مملکت کی طرف سے عازمین حج کی خدمت کے عزم کا عکاس ہے، اس پروگرام پر کئی اداروں کے تعاون سے عملدرآمد کیا جا رہا ہے۔