ٹائون چیئرمین کی آلائشوں کوکلیکشن پوائنٹس منتقل کرنے کی ہدایت

اتوار 8 جون 2025 19:10

کراچی (اُردو پوائنٹ اخبارتازہ ترین - اے پی پی۔ 08 جون2025ء) چیئرمین ناظم آباد ٹائون سید محمد مظفرنے عید الاضحی کے دوسرے روز سینی ٹیشن ڈپاٹمنٹ کی جانب سے آلائشیں اٹھانے کے کام کا معائنہ کیااور افسران کو ہدایت دی کہ آلائشوں کو جلد از جلد رہائشی علاقوں سے اٹھاکر کلیکشن پوائنٹس منتقل کیا جائے۔

(جاری ہے)

اتوار کو جاری اعلامیہ کے مطابق انہوں نے کہا کہ ناظم آباد میں عوامی نمائندوں اور بلدیاتی افسران کے تعائون سے آلائش آپریشن کامیابی سے جاری ہے اور سینی ٹیشن کا عملہ آلائشیں اٹھانے اور ان کو ٹھکانے لگانے میں مصروف عمل ہے ۔

اس موقع پر ڈائریکٹر سینی ٹیشن ظہیر احمد نے چیئرمین ناظم آباد ٹائون کو بتایاکہ ٹائون میں قائم تمام کلیشن پوائنٹس اور شکایتی مراکز پر موصول ہونے والی شکایات پرفوری کارروائی کر رہے ہیںاور ان جگہوں کو آلائشوں سے پاک کر کہ چونے کا چھڑکا ئواور جراثیم کش اسپرے بھی کیاجارہاہے تاکہ تعفن اور بیماریوں سے بچا ئوکو یقینی بنایا جا سکے۔