غ*معروف بالی وڈ ڈائریکٹر نے تنخواہ مانگنے پر ڈرائیور کو چھری مار کر زخمی کردیا

ڈرائیور محمد لشکر 3 سال سے ہدایت کار کے پاس 23 ہزار بھارتی روپے میں بطور ڈرائیور کام کر رہا تھا

پیر 9 جون 2025 16:20

’ممبئی (اُردو پوائنٹ اخبارتازہ ترین - آن لائن۔ 09 جون2025ء)بالی وڈ ہدایت کار منیش گپتا نے تنخواہ مانگنے پر ڈرائیو کو چھری سے حملہ کرکے زخمی کردیا۔رپورٹس کے مطابق ڈرائیور محمد لشکر 3 سال سے ہدایت کار کے پاس 23 ہزار بھارتی روپے میں بطور ڈرائیور کام کر رہا تھا اور گزشتہ ماہ اسے نوکری سے نکال دیا گیا۔

(جاری ہے)

رپورٹس میں کہا گیا ہے کہ ہدایت کار نے دوبارہ کام پر ا?نے کی شرط پر پیسوں کی ادائیگی کا کہا، ڈرائیور کے کام پر واپس ا?نے کے باوجود منیش گپتا نے اسے تنخواہ نہ دی۔

رپورٹس کے مطابق تنخواہ کے مطالبے پر ہدایت کار نے کچن سے چھری اٹھا کر حملہ کرکے ڈرائیور کو زخمی کردیا جسے طبی امداد کیلئے اسپتال منتقل کیا گیا۔ڈرائیور نے ہدایت کار کے خلاف مقامی پولیس اسٹیشن میں مقدمہ درج کروالیا تاہم پولیس نے اب تک کارروائی نہیں کی۔خیال رہے کہ منیش گپتا نے ڈرنا ضروری ہے اور ہاسٹل سمیت کئی فلموں کی ہدایتکاری کے فرائض سرانجام دیے ہیں۔