Live Updates

م* پاکستان سپورٹس بورڈ کا 'فٹبال فار اسکولز' پروگرام کے لیے فیفا کی دعوت کاخیرمقدم

پیر 9 جون 2025 16:20

اسلام آباد (اُردو پوائنٹ اخبارتازہ ترین - آن لائن۔ 09 جون2025ء) پاکستان سپورٹس بورڈ کا 'فٹبال فار اسکولز' پروگرام کے لیے فیفا کی دعوت کاخیرمقدم کیا ہے ، حالیہ انتخابات کے بعد فٹبال فیڈریشن کی باقاعدہ تشکیل اور مکمل فعال حیثیت ہے ۔ ترجمان پی ایس بی کے مطابق حالیہ انتخابات کے بعد فٹبال فیڈریشن کی باقاعدہ تشکیل اور مکمل فعال حیثیت ہے پاکستان میں فٹبال کے لیے ایک نیا آغاز ہے فیفا کی یہ دعوت ملک میں فٹبال کوسکول سطح پر فروغ دینے کے لیے سنہری موقع ہے۔

ترجمان کے مطابق 4 سے 14 سال پاکستانی بچوں کو 1,64,940 فٹبالز فراہم کی جائیں گی۔ فیفا پروگرام کے مطابق 50,000 ڈالر کی ایک مرتبہ گرانٹ بھی دی جائے گی۔فیفا کے خطا کے مطابق اس پروگرام کا آغاز مؤثر طریقے سے کیا جا سکے گا ۔

(جاری ہے)

ترجمان پی ایس بی کے مطابق یہ ایک درست سمت میں قدم ہے اب موقع ہے کہ اسکول سطح پر کھیلوں کو دوبارہ فعال کیا جائے صحت مند سرگرمیوں کو فروغ دیکر نئی نسل کو کھیل کے میدان سے جوڑا جاسکتا یے پروگرام کے تحت اسکولز اور اساتذہ کو خصوصی موبائل ایپ تک رسائی دی جائے گی جس میں تربیتی مواد اور تدریسی رہنمائی شامل ہو گی۔

فیفا پروگرام کے مطابق فیفا ماہرین کی ٹیم پاکستان میں آن گراؤنڈ یا آن لائن ٹریننگ ورکشاپس کا انعقاد بھی کرے گی تاکہ فزیکل ایجوکیشن انسٹرکٹرز کی صلاحیتوں کو بہتر بنایا جاسکے اس پروگرام کے حوالے سے پاکستان سپورٹس بورڈ مکمل تعاون کریگا ملک میں فٹبال کے روشن مستقبل کی بنیاد سکولوں سے رکھی جائے گی۔