راولپنڈی، نماز عید کی ادائیگی کے لیے آئے شہری کی فیض الاسلام مسجد کے باہر سے گاڑی چوری

پیر 9 جون 2025 18:30

راولپنڈی (اُردو پوائنٹ اخبارتازہ ترین - اے پی پی۔ 09 جون2025ء) عیدالاضحیٰ پر پولیس کی سخت سکیورٹی کے باوجود فیض الاسلام مسجد کے باہر سے گاڑی چوری ہوگئی ہے ۔

(جاری ہے)

متاثرہ شہری ساجد بیگ ایڈووکیٹ نے متعلقہ تھانہ کی پولیس کو درخواست دیتے ہوئے بتایا کہ صبح تقریباً 7 بجے اپنی سرخ رنگ کی کار رجسٹریشن نمبر W-95-8391، پر نماز عید ادا کرنے آیا اور مسجد میں داخل ہونے سے پہلے فیض الاسلام مسجد کی دیوار کے ساتھ گاڑی کھڑی کی،گاڑی کے دروازے مکمل لاک تھے اور کروک لاک بھی فعال تھا۔

متاثرہ شہری نے بتایا کہ نماز کے بعد 7:30 بجے واپس آئے تو گاڑی موقع سے غائب تھی جبکہ قریبی سی سی ٹی وی کیمروں میں بھی چوری کے واضح مناظر موجود نہیں اور خاص طور پر وہ علاقہ جہاں گاڑیاں پارک کی گئی تھیں کیمرے کی زد میں نہیں آیا۔ساجد بیگ نے فوری طور پر 15 پر کال کر کے واقعہ کی اطلاع دی تاہم متاثرہ شہری نے پولیس حکام سے اپیل کی ہے کہ گاڑی کو فوری طور پر برآمد کیا جائے۔