٪ملک میں آبادی کے لحاظ سے کراچی کی بڑا شہر ہونے کی پوزیشن برقرار‘مجموعی آبادی 1 کروڑ 88 لاکھ 70 ہزار تک پہنچ گئی

پیر 9 جون 2025 19:20

اسلام آباد(اُردو پوائنٹ اخبارتازہ ترین - آن لائن۔ 09 جون2025ء)ملک میں آبادی کے لحاظ سے کراچی کی بڑا شہر ہونے کی پوزیشن برقرار ہے اور کراچی کی مجموعی آبادی 1 کروڑ 88 لاکھ 70 ہزار تک پہنچ گئی۔

(جاری ہے)

اقتصادی سروے رپورٹ کے مطابق آبادی کے لحاظ سے لاہور ملک کا دوسرا بڑا شہر بن گیا،لاہور کی مجموعی آبادی 1 کروڑ 30 لاکھ تک ہے،اقتصادی سروے رپورٹ کے مطابق فیصل آباد 36 لاکھ نفوس کے ساتھ تیسرے جبکہ راولپنڈی 33 لاکھ آبادی کے ساتھ چوتھے نمبر پر۔

گجرانوالہ آبادی کے لحاظ پانچواں بڑا شہر،مجموعی نفوس 26 لاکھ 70 ہزار ہیں،ملتان آبادی کے لحاظ سے چھٹا بڑا شہر،22 لاکھ سے زائد باسی مقیم ہیں۔ رپورٹ کے مطابق حیدر آباد آبادی کے لحاظ سے ساتویں نمبر پر،19 لاکھ سے زیادہ باسی مقیم ہیں۔پشاور میں آبادی کی تعداد حیدرآباد شہر کے برابر انیس لاکھ ہے،کوئٹہ کی آبادی 15 لاکھ،اسلام آباد شہر کی آبادی 11 لاکھ ہے۔