عید الاضحیٰ پر صفائی آپریشن کی کامیابی پر سینٹری ورکرز کے اعزاز میں پروقار تقریب

پیر 9 جون 2025 21:50

ملتان (اُردو پوائنٹ اخبارتازہ ترین - اے پی پی۔ 09 جون2025ء) ملتان ویسٹ منیجمنٹ کمپنی کی جانب سے عید الاضحیٰ کے صفائی آپریشن کی کامیابی پر سینٹری ورکرز کے اعزاز میں پروقار تقریب کا انعقاد کیا گیا۔ اس موقع پر ڈپٹی کمشنر وسیم حامد سندھو نے چوک گھنٹہ گھر پر منعقدہ تقریب کی صدارت کی۔مسلم لیگی رہنما شیخ طارق رشید ،ڈائریکٹر بورڈ بیرسٹر حسن رشید اور سی ای او ویسٹ منیجمنٹ کمپنی عبدالزراق ڈوگر نے بھی تقریب میں شرکت کی۔

تقریب میں عید الاضحی صفائی آپریشن کی کامیابی پر بھنگڑے ،اور پھول کی پتیاں نچھاور کی گئیں۔ڈپٹی کمشنر وسیم حامد سندھو اور شیخ طارق رشید نے سینٹری ورکرز کے ہمراہ کیک کاٹا اور مٹھائی کھلائی ڈپٹی کمشنر وسیم حامد سندھو نے تقریب مین سینٹری ورکرز کو پھلوں کے ہار پہنائے اور انکی خدمات کا اعتراف کیا۔

(جاری ہے)

ڈپٹی کمشنر وسیم حامد سندھو نے کہا کہ سینٹری ورکرز نے بھرپور محنت کرکے ہمارا سر فخر سے بلند کردیا۔

وزیراعلی پنجاب مریم نواز شریف نے تمام ورکرز کو خصوصی مبارکباد پیش کی ہے۔وسیم حامد سندھو نے کہا کہ عید کی خوشیاں چھوڑ کر شہریوں کی خدمت کرنے والے ورکرز ہمارے سر کا تاج ہیں۔مسلم لیگی رہنما شیخ طارق رشید نے کہا کہ ویسٹ مینجمنٹ کمپنی نے شہر کو صاف کرکے عمدہ کارکردگی کا ثبوت دیا۔وزیر اعلیٰ پنجاب مریم نواز شریف کے ستھرا پنجاب پروگرام کے عملی نتائج سامنے اگئے۔

چہف ایگزیکٹو آفیسر ویسٹ مینجمنٹ کمپنی عبدالزراق ڈوگر نے کہا کہ صفائی آپریشن کی کامیابی میں شہریوں کے تعاون پر شکر گزار ہیں۔عید الاضحیٰ کی طرح شہر کی صفائی کا سلسلہ جاری رکھیں گے۔عبدالرزاق ڈوگر نے کہا کہ وزیراعلی پنجاب مریم نواز شریف کی جانب سے ہر سینٹری ورکر کیلئے 10 ہزار روپے انعام کا اعلان کیا گیا ہے۔