فیصل آباد ، میاں بیوی نے ٹرین کے نیچے آکر اپنی زندگی کا خاتمہ کرلیا

واقعہ بھائی والا پھاٹک کے قریب پیش آیا، دونوں میاں بیوی نے اچانک پٹری پر آ کر ٹرین کے سامنے آگئے جس سے موقع پر ہی جاں بحق ہو گئے، خودکشی کی وجوہات تاحال سامنے نہیں آ سکیں تاہم معاملے کی تحقیقات جاری ہیں، پولیس

فیصل علوی منگل 10 جون 2025 11:27

فیصل آباد ، میاں بیوی نے ٹرین کے نیچے آکر اپنی زندگی کا خاتمہ کرلیا

فیصل آباد(اردوپوائنٹ اخبار تازہ ترین۔10 جون 2025)پنجاب کے علاقے فیصل آباد میں میاں بیوی نے ٹرین کے نیچے آکر اپنی زندگی کا خاتمہ کرلیا، ساجد نے بھائی زاہد کو فون کر کے خود کشی کرنے کی اطلاع دی تھی،واقعے کی اطلاع ملتے ہی امدادی ٹیمیں موقع پر پہنچ گئیں اور لاشوں کو قریبی ہسپتال منتقل کر دیا گیا،بتایا گیا ہے کہ واقعہ فیصل آباد کے قریب بھائی والا پھاٹک کے قریب پیش آیا۔

پولیس کا کہنا ہے کہ خودکشی کی وجوہات تاحال سامنے نہیں آ سکیں تاہم معاملے کی تحقیقات جاری ہیں۔عینی شاہدین کے مطابق دونوں میاں بیوی نے اچانک پٹری پر آ کر ٹرین کے سامنے آگئے جس سے موقع پر ہی جاں بحق ہو گئے۔فیصل آباد کے رہائشی پاور لوم ورکر ساجد اور اس کی بیوی عدیل ٹاون کے رہائشی تھے دونوں کی تین ماہ قبل شادی ہوئی تھی۔

(جاری ہے)

پولیس کے مطابق دونوں لاہور جانے والی بدر ایکسپریس کے آگے لیٹ گئے تھے اور زندگی کا خاتمہ کرلیا۔

پولیس کا کہنا ہے کہ متوفی جوڑے کی شناخت اور پس منظر جاننے کیلئے مزید معلومات اکٹھی کی جا رہی ہیں اور اہل خانہ سے بھی رابطہ کیا جا رہا ہے تاکہ واقعے کی وجوہات کا تعین کیا جا سکے۔پولیس کا کہنا ہے کہ مقتول میاں بیوی ساجد اور رضیہ کی لاشیں الائیڈ ہسپتال منتقل کردی گئی ہیں۔واقعے کے بعد علاقے میں افسوس اور سوگ کی فضا قائم ہے۔واضح رہے کہ اس سے قبل بھی فیصل آباد میں 31 سالہ نوجوان نے چلتی ٹرین کے آگے لیٹ کر زندگی کا خاتمہ کرلیا تھا۔

جھمرہ روڈ پر طارق آباد پھاٹک کے قریب 31 سالہ نوجوان نے چلتی ٹرین کے آگے لیٹ کر زندگی کا خاتمہ کرلیا تھا مضروب موقع پر ہی دم توڑ گیاتھا۔مرنے والے نوجوان کی شناخت ایم قاسم ولد ایم اسحاق کے نام سے ہوئی تھی جوکہ عبداللہ پور کا رہائشی تھا۔ ریسکیو حکام نے بتایا کہ ریسکیو کنٹرول روم میں ٹرین حادثہ کی اطلاع موصول ہوئی جس پر فوری امدادی ٹیم روانہ کی گئی تھی۔

موقع پر موجود افراد نے بتایا کہ نوجوان خود ٹرین کے آگے لیٹ گیا اورمو قع پر ہی دم توڑ گیاتھا۔ لاش کو لواحقین کے حوالے کر دیا گیا تھا۔ اسی طرح ایک اور واقعہ میں کوئٹہ میں کوئلہ پھاٹک پر چمن پسنجر ٹرین کے نیچے لیٹ کر خودکشی کی کوشش کی تھی جو بعدازاں کراچی میں انتقال کرگیا تھا۔عامر غوری نے ٹرین کے نیچے آکر خودکشی کرنے کی کوشش کی تھی۔ اول طور پر کہا گیا تھا کہ عامر غوری نے بچی کو بچاتے ہوئے ٹرین کے آگے چھلانگ لگائی، لیکن سی سی ٹی وی نے خودکشی کا بھانڈا پھوڑ دیا تھا۔