Live Updates

اے ایف سی ایشین کپ 2027 کوالیفائنگ مرحلہ: میانمار نے پاکستان کو 0-1 سے شکست دے کر قیمتی تین پوائنٹس حاصل کر لیے

منگل 10 جون 2025 19:50

ینگون (اُردو پوائنٹ اخبارتازہ ترین - اے پی پی۔ 10 جون2025ء) اے ایف سی ایشین کپ 2027 کے کوالیفائنگ مرحلے میں پاکستان اور میانمار کے درمیان اہم میچ کھیلا گیا ،جس میں میانمار کی فٹبال ٹیم نے پاکستانی ٹیم کو 0-1 سے شکست دے کر قیمتی تین پوائنٹس حاصل کر لیے۔

(جاری ہے)

یہ میچ ینگون میں کھیلا گیا جہاں دونوں ٹیموں نے ابتدا میں جارحانہ کھیل کا مظاہرہ کیا تاہم پہلے ہاف کے اختتام سے چند لمحے قبل میانمار کے فارورڈ کھلاڑی تھن پینگ نے شاندار گول کر کے اپنی ٹیم کو برتری دلا دی۔

یہ گول ہی میچ کا فیصلہ کن لمحہ ثابت ہوا کیونکہ پاکستان کی ٹیم تمام تر کوششوں کے باوجود میچ میں واپسی نہ کر سکی۔ پاکستانی ٹیم نے دوسرے ہاف میں گول برابر کرنے کی متعدد کوششیں کیں مگر میانمار کے دفاع نے انہیں بار بار ناکام بنا دیا۔