Live Updates

چائنا میڈیا گروپ کے اشتراک سے چین پاکستان فٹ بال دوستانہ میچ کا انعقاد

میچ کا مقصد دونوں ممالک کے درمیان افرادی و ثقافتی تعاون کو فروغ دینا تھا

جمعرات 12 جون 2025 21:10

چائنا میڈیا گروپ کے اشتراک سے چین پاکستان فٹ بال دوستانہ میچ کا انعقاد

اسلام آباد(اُردو پوائنٹ اخبارتازہ ترین - این این آئی۔ 12 جون2025ء)چائنا میڈیا گروپ کے شعبہ اردو، پاکستان میں چینی سفارت خانے اور آل پاکستان چائنا فرینڈ شپ ایسوسی ایشن نے مشترکہ طور پر ایک شاندار چین پاکستان فٹ بال دوستانہ میچ کا انعقاد کیا تاکہ کھیلوں کے تبادلے کے ذریعے دونوں ممالک کے درمیان افرادی و ثقافتی تعاون کو فروغ دیا جا سکے اور چین پاکستان تعلقات کی مضبوطی کو اجاگر کیا جا سکے۔

جمعرات کے روز آل پاکستان چائنا فرینڈ شپ ایسوسی ایشن کے 25 افراد پر مشتمل وفد نے دعوت پر پاکستان میں چینی سفارت خانے کی فٹ بال ٹیم کے ساتھ دوستانہ میچ کھیلا۔ میچ سے قبل، چینی سفارت خانے کے منسٹر شی یوان چھانگ اور آل پاکستان چائنا فرینڈ شپ ایسوسی ایشن کے صدر محمد اخلاق عثمانی نے اظہار خیال کیا اور دونوں عوام کے درمیان دوستانہ روابط کے فروغ میں کھیلوں کے تبادلے کے اہم کردار پر زور دیا۔

(جاری ہے)

70 منٹ تک جاری رہنے والے دوستانہ میچ میں دونوں ٹیموں نے میدان میں شاندار مہارت اور دوستانہ جذبے کا مظاہرہ کیا۔ مقابلے کے اختتام پر، دونوں اطراف کے نمائندوں نے مشترکہ طور پر شریک کھلاڑیوں کو یادگاری تمغے دئیے۔یہ فٹ بال میچ چین اور پاکستان کے عوام کے درمیان باہمی افہام و تفہیم کو فروغ دینے کے لیے سی ایم جی کے شعبہ اردو کی ایک اور اختراعی کاوش تھی، جس سے کھیلوں کے ذریعے دونوں ممالک کے عوام کو مزید قریب لانے میں مدد ملی ہے کینیڈا کے شہر برنابی نے چینی نڑاد افراد کے خلاف تاریخی امتیازی سلوک پر سرکاری معافی کا اعلان کر دیا۔