Live Updates

پاکستان پرامن ملک، مستقبل روشن اور تابناک ہے، رانا مشہود احمد

پی ایس ایل کا شاندار انعقاد پوری دنیا نے دیکھا، نیا حارث اور شاہین آفریدی تلاش کرینگے، چیئرمین پرائم منسٹر یوتھ پروگرام کی پریس کانفرنس

جمعرات 12 جون 2025 21:19

پاکستان پرامن ملک، مستقبل روشن اور تابناک ہے، رانا مشہود احمد

اسلام آباد (اُردو پوائنٹ اخبارتازہ ترین - این این آئی۔ 12 جون2025ء)چیئر مین پرائم منسٹر یوتھ پروگرام رانا مشہود احمد خان نے کہا ہے کہ پاکستان پرامن ملک ہے جس کا مستقبل روشن اور تابناک ہے، پوری دنیا پاکستان کے ساتھ کھڑی ہے، پی ایس ایل کا شاندار انعقاد پوری دنیا نے دیکھا، کھیلوں میں دنیا بھر میں پاکستان نے اپنی کامیابیوں کے جھنڈے گاڑے۔ ان خیالات کا اظہار انہوں نے چیئرمین ہائیر ایجوکیشن کمیشن ڈاکٹر مختار احمد، لاہور قلندرز کے چیف ایگزیکٹو عاطف رانا، کپتان لاہور قلندرزشاہین آفریدی کے ہمراہ پی آئی ڈی میں پریس کانفرنس کرتے ہوے کیا۔

رانا مشہود نے کہا کہ بھارت کی دراندازی کیخلاف پوری دنیا پاکستان کے ساتھ کھڑی تھی، پاکستانی میڈیا کے باعث پوری دنیا نے پاکستان کا موقف تسلیم کیا جبکہ ہمیں اپنا حق لینا آتا ہے ۔

(جاری ہے)

انہوں نے کہا کہ بجٹ بہت مشکل تھالیکن ہم پاکستان کو اپنے پیروں پر کھڑا کر رہے ہیں۔رانا مشہود نے کہا کہ وزیراعظم شہباز شریف کا فوکس پاکستان کی یوتھ ہے، ہمارا مقصد یوتھ تعلیم اور کھیل کے میدان میں بہترین موقع فراہم کرنا ہے ،لاہور قلندرز کا پلیئرز ڈیویلپمنٹ پروگرام کامیاب ترین پروگرامز میں سے ایک تھا، ہم گراس روٹ لیول سے نئے شاہین آفریدی اور حارث روف تلاش کریں گے۔

پریس کانفرنس سے خطاب کرتے ہوے لاہور قلندرز کے چیف ایگزیکٹو رانا عاطف نے کہا کہ شاہین آفریدی نے پوری دنیا میں ثابت کیا کہ وہ بہترین کپتان ہیں، پی ایس ایل کے 4 سیزنز میں 3 سیزنز انہوں نے لاہور قلندرز کو جتوائے، پی ایس ایل ٹرافی کو انگلینڈاور امریکہ لیکر جائینگے۔