سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کی زیر صدارت محکمانہ امور بارے اجلاس

{صوبہ بھر میں اشیائے خورونوش کی سپلائی چین مینجمنٹ بارے بریفنگ )مارکیٹ کمیٹی اور الائیڈ محکموں کے افسران کی معاونت سے موجودہ نظام کو اپگریڈ کیا جائے گا، سیکرٹری پرائس کنٹرول ةماہانہ طلب و رسد بارے تمام ڈپٹی کمشنرز کو قبل از وقت مراسلہ ارسال کیا جائے، ڈاکٹر احسان بھٹہ

جمعرات 12 جون 2025 03:30

2لاہور (اُردو پوائنٹ اخبارتازہ ترین - آن لائن۔ 12 جون2025ء) سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کی زیر صدارت محکمانہ امور بارے اجلاس ہوا،ڈی جی کماڈیٹیز عمران قریشی نے محکمے میں جاری اصلاحات اور سفارشات بارے آگاہ کیا،صوبہ بھر میں اشیائے خورونوش کی سپلائی چین مینجمنٹ بارے بریفنگ دی، سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کا کہنا تھا کہ مارکیٹ میں اشیائ کی مسلسل مانیٹرنگ موثر بنانے کیلئے فوڈ ڈیپارٹمنٹ کے ملازمین کو بھی ذمہ داریاں سونپی جائیں گی، مارکیٹ کمیٹی اور الائیڈ محکموں کے افسران کی معاونت سے موجودہ نظام کو اپگریڈ کیا جائے گا، سیکرٹری پرائس کنٹرول نے عیدالاضحی کے دوران بنیادی اشیائے ضروریہ کی طلب و رسد بہتر بنانے پر فیلڈ افسران کو شاباش دی، ان کا مزید کہنا تھا کہ ماہانہ طلب و رسد بارے تمام ڈپٹی کمشنرز کو قبل از وقت مراسلہ ارسال کیا جائے، مقامی سبزیوں و پھلوں کی پیداوار اور طلب کے اعدادوشمار بارے تمام اداروں کو بروقت مطلع کیا جائے گا، معلومات کی بروقت فراہمی سے سٹاک اور قیمتوں کے تسلسل میں آسانی ہوگی۔