راولپنڈی پولیس کی موثر پولیسنگ، زیادتی معہ قتل کے ملزمان کو عدالت نے سزائیں سنا دیں

جمعرات 12 جون 2025 20:25

راولپنڈی(اُردو پوائنٹ اخبارتازہ ترین - این این آئی۔ 12 جون2025ء)راولپنڈی پولیس کی موثر پولیسنگ کے باعث زیادتی معہ قتل کے ملزمان کو عدالت نے سزائیں سنا دیں، ملزمان کو مجموعی طور پر دو بار سزائے موت، 20 لاکھ روپے ہرجانے اور 8 لاکھ روپے جرمانے کی سزا سنائی گئی۔

(جاری ہے)

تفصیلات کے مطابق ملزمان محمد وقاص، آصف خان، نقاش رضا، بلال حسین کو زیادتی کے جرم میں سزائے موت،20 لاکھ روپے ہرجانے اور 8 لاکھ روپے جرمانے کی سزا سنائی گئی،ملزمان محمد وقاص، آصف خان، نقاش رضا، بلال حسین کو قتل کے جرم میں سزائے موت سنائی گئی،ملزمان اڈیالہ جیل میں حوالاتی ملزم تھے جنہوں نے ساتھی حوالاتی کو زیادتی کے بعد قتل کر دیا تھا، واقعہ کا مقدمہ جنوری 2024 سپرنٹنڈنٹ سنٹرل جیل کی مدعیت میں تھانہ صدر بیرونی میں درج کیا گیا تھا، ٹھوس شواہد اور موثر پیروی کے پیش نظر معزز عدالت نے ملزمان کو قرار واقعی سزائیں سنائیں، سی پی او سید خالد ہمدانی نے ایس ایس پی انوسٹیگیشن اور تفتیشی و لیگل ٹیموں کو شاباش دیتے ہوئے کہا کہ سنگین مقدمات میں ملوث ملزمان کو سزائیں ملنا انصاف کی فتح ہے۔