ساہیوال ،کمشنر کی ہدایت پر میونسپل کارپوریشن کی گلشن علی ہاؤسنگ سکیم میں تجاوزات کے خلاف کاروائی

جمعہ 13 جون 2025 13:50

ساہیوال (اُردو پوائنٹ اخبارتازہ ترین - اے پی پی۔ 13 جون2025ء) کمشنر ساہیوال ڈویژن شعیب اقبال سید کی ہدایت پر میونسپل کارپوریشن نے گلشن علی ہاؤسنگ سکیم میں تجاوزات کے خلاف کاروائی کے دوران متعدد پکی اور عارضی تجاوزات ہٹادیں اور علاقہ مکینوں کو وارننگ دی گئی کہ دوبارہ تجاوزات قائم کرنے پر قانونی کاروائی عمل میں لائی جائے گی۔ اپنے دفتر میں پسپ پروگرام اور میونسپل کارپوریشن کی کارکردگی کے جائزہ اجلاس کی صدارت کرتے ہوئے انہوں نے کارپوریشن کی متعلقہ برانچ کو تجاوزات کے خلاف کاروائیاں جاری رکھنے کی بھی ہدایت کی۔

اجلاس میں ایڈیشنل کمشنر کوآرڈینیشن ڈاکٹر سیف اللہ بھٹی، ڈائریکٹر ڈویلپمنٹ شفیق احمد ڈوگر، ڈائریکٹر لوکل گورنمنٹ شاہد فاروق وڑائچ، اے سی جنرل غلام حسین بھٹی، اور دیگر متعلقہ افسران موجود تھے۔

(جاری ہے)

کمشنر شعیب اقبال سید نے حبیب ٹاؤن میں نجی ملکیت کے ایک بڑے پلاٹ پر مٹی ڈالنے اور اسے لیول کرنے کے کام کو سراہا جہاں گندہ پانی علاقہ مکینوں کے لئے بیماریوں اور ماحولیاتی آلودگی کا بڑاسبب تھا۔ انہوں نے مالک کو پلاٹ کے اردگرد چار دیواری کرانے کی بھی ہدایت کی۔ انہوں نے دیپالپور بازار، پاکپتن بازار اور صدر بازار میں ٹیلی فون کے 15پولز کی شفٹنگ میں تاخیر پر ناراضگی کا اظہار کیا اور انہیں فوری شفٹ کرنے کی ہدایت کی تاکہ ٹف ٹائل لگانے کا کام بلا رکاوٹ جاری رہے۔\378