Live Updates

ڈائریکٹر جنرل پاکستان سپورٹس بورڈ محمد یاسر پیرزادہ کا فٹ بال ہائوس لاہور کا دورہ

جمعہ 13 جون 2025 22:39

اسلام آباد (اُردو پوائنٹ اخبارتازہ ترین - اے پی پی۔ 13 جون2025ء) ڈائریکٹر جنرل پاکستان سپورٹس بورڈ محمد یاسر پیرزادہ نے فٹ بال ہائوس لاہور کا دورہ کیا۔ ہیڈ آف لیگل پی ایف ایف علی اکرم اور ڈائریکٹر ایچ آر عزیز ملک نے ان کا استقبال کیا۔

(جاری ہے)

دورہ کے دوران یاسر پیرزادہ نے حال ہی میں پی ایف ایف کے انتخابات مکمل ہونے پر مبارکباد دی اور پی ایف ایف کے صدر محسن گیلانی کی قیادت میں ملک میں فٹ بال کی بحالی اور ترقی کے لیے جاری کوششوں میں فیڈریشن کی حمایت کے عزم کا اعادہ کیا۔

اس موقع پر لاہور کے پنجاب سٹیڈیم کی مجوزہ تزئین و آرائش اور اسے بین الاقوامی معیار کے مطابق بنانے کا معاملہ بھی زیر غور آیا۔ ڈی جی پی ایس بی نے پی ایف ایف کے بنیادی ڈھانچے، مینز اور ویمنز فٹ بال کی ترقی کے لیے پی ایف ایف کے روڈ میپ کی حمایت میں مکمل تعاون کی یقین دہانی کرائی۔