ایران کا دو اسرائیلی طیارے مار گرانے اور پائلٹ گرفتار کرنے کا دعوی، اسرائیل کی تردید

ہفتہ 14 جون 2025 13:47

تہران(اُردو پوائنٹ اخبارتازہ ترین - این این آئی۔ 14 جون2025ء)ایران نے کم از کم ایک اسرائیلی لڑاکا طیارہ مار گرایا اور اس کی خاتون پائلٹ کو گرفتار کر لیا ہے۔ تل ابیب نے ان خبروں کی تردید کردی ہے۔ایران کی سرکاری خبر رساں ایجنسی نے اطلاع دی کہ تہران نے اپنی سرزمین پر پرواز کرنے والے دو اسرائیلی فوجی طیاروں کو مار گرایا۔

(جاری ہے)

ایجنسی نے رپورٹ کیا کہ کم از کم دو اسرائیلی لڑاکا طیاروں کو ایرانی فضائی حدود میں مار گرایا گیا۔

اس بات کا کوئی ثبوت پیش نہیں کیا گیا کہ طیارے کو فضائی دفاع کے ذریعے کہاں مار گرایا گیا۔ فضائی دفاع نے کم از کم ایک اسرائیلی لڑاکا طیارہ مار گرایا اور اس کے پائلٹ کو بھی گرفتار کرلیا ۔ایک اسرائیلی اہلکار نے اس بات کی تردید کی ہے کہ ایران نے دو اسرائیلی جنگی طیارے مار گرائے ہیں۔ انہوں نے اسے جعلی خبر قرار دے دیا۔