Live Updates

ایران، اسرائیل جنگ، بھارت کی مشکلات میں مزید اضافہ

جنگ کے باعث 6ممالک نے اپنی فضائی حدود بند کردی ہیں،بھارتی میڈیا

ہفتہ 14 جون 2025 16:35

نئی دہلی (اُردو پوائنٹ اخبارتازہ ترین - این این آئی۔ 14 جون2025ء)مشرقِ وسطی میں ایران اور اسرائیل کے مابین شدید کشیدگی کے باعث خطے کے فضائی راستے غیر یقینی صورتحال کا شکار ہوچکے ہیں۔ اسرائیلی حملے اور اس پر ایرانی جوابی کارروائی کے بعد 6 ممالک نے اپنی فضائی حدود بند کردی ہیں، جس کے اثرات عالمی ہوا بازی پر پڑنا شروع ہوگئے ہیں۔

(جاری ہے)

بھارتی ٹی وی کے مطابق 6 ممالک کی فضائی حدود بند ہونے کے سب سے زیادہ اثرات بھارت پر پڑے ہیں جو پہلے ہی پاکستان کے ساتھ تنا کے بعد فضائی حدود کی پابندیاں بھگت رہا ہے۔

فضائی حدود کی بندش کے بحران نے بھارت کو بری طرح جکڑ لیا ہے۔ایوی ایشن ذرائع کے مطابق، بھارتی ایئرلائنز کو اپنے درجنوں بین الاقوامی اور اندرونِ ملک پروازوں کے رخ موڑنے پڑے ہیں، جبکہ متعدد پروازیں مکمل طور پر منسوخ کردی گئی ہیں۔