Live Updates

اعجاز الرحمن اور لیفٹیننٹ کرنل ریٹائرڈ کامران خالد جنجوعہ پاکستان ٹین پن باؤلنگ فیڈریشن کے بلا مقابلہ بالترتیب صدر اور سیکرٹری جنرل منتخب

ہفتہ 14 جون 2025 21:40

اسلام آباد (اُردو پوائنٹ اخبارتازہ ترین - این این آئی۔ 14 جون2025ء)اعجاز الرحمن اورلیفٹیننٹ کرنل ریٹائرڈ کامران خالد جنجوعہ پاکستان ٹین پن باؤلنگ فیڈریشن کے بلا مقابلہ بالترتیب صدر اور سیکرٹری جنرل منتخب ہوگئے ہیں۔ تفصیلات کے مطابق پاکستان ٹین پن باؤلنگ فیڈریشن کے تمام عہدیداران بلامقابلہ کامیاب ہوگئے، پاکستان ٹین پن باؤلنگ فیڈریشن کے تمام عہدیداران بلامقابلہ منتخب ہو گئے ہیں کیونکہ ان کے خلاف کوئی کاغذات نامزدگی جمع نہیں کرائے گئے۔

الیکشن کمیشن نے ان کی بلا مقابلہ کامیابی کا اعلان کیا ہے۔ پاکستان سپورٹس بورڈ کی زیر نگرانی منعقد ہونے والے انتخابات اور پاکستان سپورٹس بورڈ (پی ایس بی) الیکشن کمیشن کے مطابق پاکستان ٹین پن باؤلنگ فیڈریشن میں اعجازالرحمٰن کو صدرجبکہ علیم آغا اور آصف اورکزئی کو سینئر نائب صدور، محبوب الرحمن اور محمد محسن منتخب ہوگئے ہیں۔

(جاری ہے)

دیگر عہدیداروں میں لیفٹیننٹ کرنل ریٹائرڈ کامران خالد جنجوعہ کو سیکرٹری جنرل، محمد حسین چٹھہ، رومیش علی اور شبیر لشکر والا کو جوائنٹ سیکرٹریز، شبیر حسین اور رانا شہزاد اختر کو شوشل سیکرٹریز اور نور العین لیڈی سیکرٹری بلا مقابلہ منتخب ہوگئیں ،الیکشن کمیشن نے واضح کیا کہ انتخابی عمل مکمل شفافیت کے ساتھ، فیڈریشن کے آئین، متعلقہ قواعد و ضوابط اور نیشنل اسپورٹس پالیسی 2005 کے مطابق انجام دیا جا رہا ہے۔