اوتھل ،مولانا حافظ محمد سلیم کے گھر اچانک آگ بھڑک اٹھی ،لاکھوں کا روپے کا سامان جل کر خاکستر

ہفتہ 14 جون 2025 20:50

اوتھل (اُردو پوائنٹ اخبارتازہ ترین - این این آئی۔ 14 جون2025ء) اوتھل شہر کے گنجان آباد علاقے چنہ محلہ میں آتشزدگی، مولانا حافظ محمد سلیم کے گھر اچانک آگ بھڑک اٹھی ،لاکھوں کا روپے کا سامان جل کر خاکستر ، اوتھل میں بلدیاتی نظام کی نااہلی ایک بار پھر عوامی نقصان کی شکل میں سامنے آگئی۔تفصیلات کے مطابق ہفتے کے روز اوتھل شہر کے وسطی اور گنجان آباد علاقے چنہ محلہ میں اچانک آتشزدگی کا واقعہ پیش آیا جس میں مولانا حافظ محمد سلیم کے گھر اچانک آگ کی لپیٹ میں آگیا۔

جس کے نتیجے میں لاکھوں روپے کا سامان جل کر خاکستر ہوگیا اوتھل میں بلدیاتی نظام کی نااہلی ایک بار پھر عوامی نقصان کی شکل میں سامنے آگئی چنہ محلہ کے شہری مولانا حافظ محمد سلیم چنہ کے گھر میں اچانک آگ بھڑک اٹھی، جس نے دیکھتے ہی دیکھتے پورے گھر کو لپیٹ میں لے لیا۔

(جاری ہے)

آگ کے نتیجے میں لاکھوں روپے مالیت کا قیمتی سامان جل کر راکھ ہوگیا۔

حافظ محمد سلیم نے بتایا کہ افسوسناک پہلو یہ ہے کہ واقعے کے فوراً بعد میونسپل کمیٹی اوتھل کے چیئرمین کو متعدد بار کال کی گئی، مگر انہوں نے کال اٹینڈ کرنا بھی مناسب نہ سمجھا۔ چیف آفیسر نے فائر بریگیڈ بھیجنے کا دعویٰ تو کیا، مگر عملہ شدید تاخیر سے جائے وقوعہ پر پہنچا۔ جب تک فائر بریگیڈ پہنچی۔گھر کا بالائی حصہ مکمل طور پر جل چکا تھاعینی شاہدین اور محلے داروں کا کہنا ہے کہ اگر فائر بریگیڈ بروقت پہنچ جاتی تو بڑے نقصان سے بچا جا سکتا تھا۔

محلے داروں نے اپنی مدد آپ کے تحت آگ بجھانے کی بھرپور کوشش کی مگر ناکافی وسائل کے باعث مکمل قابو نہ پاسکے۔مولانا محمد سلیم چنہ نے ڈپٹی کمشنر لسبیلہ سے فوری نوٹس لینے اور میونسپل کمیٹی اوتھل کے عملے کے خلاف سخت محکمانہ کارروائی کا مطالبہ کیا ہے۔ ان کا کہنا تھا کہ میونسپل کمیٹی عوامی خدمت کے بجائے صرف کاغذی کارکردگی میں محدود ہوکر رہ گئی ہے۔عوامی حلقوں نے بھی اس واقعے پر شدید ردعمل کا اظہار کرتے ہوئے کہا ہے کہ اگر یہی غفلت کسی جانی نقصان کا سبب بنتی تو ذمہ دار کون ہوتا ۔