فرانسیسی صدر کا ایرانی ہم منصب سے فون پر رابطہ

خطے کی کشیدگی میں کمی کے لیے فرانس تمام کوششوں کے لیے تیار ہے،صدرماکروں

اتوار 15 جون 2025 11:45

پیرس (اُردو پوائنٹ اخبارتازہ ترین - این این آئی۔ 15 جون2025ء)فرانسیسی صدر میکرون اور ایرانی صدر مسعود پزشکیان کے درمیان ٹیلی فون پر رابطہ ہوا ہے،میڈیارپورٹس کے مطابق فرانسیسی صدر میکروں نے کہا ہے کہ ایرانی صدر سے کشیدگی میں کمی کے لیے تحمل کا مظاہرہ کرنے کا کہا ہے۔

(جاری ہے)

انہوں نے کہا کہ بات چیت کے دوران ایران میں فرانسیسی شہریوں اور سفارتی علاقوں کا تحفظ یقینی بنانے کا بھی کہا اور ایران میں گرفتار دو فرانسیسی شہریوں کی رہائی کا مطالبہ کیا۔

میکرون کا کہنا تھا کہ ایرانی جوہری پروگرام پر سنجیدہ تحفظات ہیں جو بات چیت سے حل ہونے چاہئیں، ایرانی صدر سے جوہری مذاکرات میں واپس آنے کے لیے کہا ہے۔ان کا مزید کہنا تھا کہ خطے کی کشیدگی میں کمی کے لیے فرانس تمام کوششوں کے لیے تیار ہے۔