اسلام آباد پولیس کے اعلیٰ افسران کا چوکیوں کا دورہ ، ڈیوٹی پر مامور افسران کی لگن کی ستائش

اتوار 15 جون 2025 16:30

اسلام آباد (اُردو پوائنٹ اخبارتازہ ترین - اے پی پی۔ 15 جون2025ء) اسلام آباد کے اعلیٰ پولیس حکام بشمول ڈی آئی جیز اور ایس ایس پیز نے شہر بھر کی چوکیوں کا دورہ کیا اور جاری ہیٹ ویو کے دوران بلند حوصلہ رکھنے والے ڈیوٹی پر موجود اہلکاروں کو ٹھنڈے مشروبات فراہم کیے۔ترجمان اسلام آباد پولیس نے کہا ہے کہ آئی جی پی اسلام آباد کی ہدایت کے مطابق فیلڈ ڈیوٹی پر مامور پولیس حکام کو موسم کے اثرات سے بچانے اور انہیں تروتازہ رکھنے کے لیے کولڈ ڈرنکس تقسیم کیے جا رہے ہیں۔

(جاری ہے)

سینئر پولیس افسران نے کہا کہ شدید گرمی میں شہریوں کی جان و مال کی حفاظت کرنے والے اہلکار ہمارے ہیرو ہیں۔ اسلام آباد پولیس کے تمام افسران ذاتی تکلیف کی پرواہ کیے بغیر عوام کے تحفظ کے لیے پرعزم ہیں۔ انہوں نے مزید کہا کہ سخت موسمی حالات اسلام آباد پولیس افسران کے عزم کی راہ میں رکاوٹ نہیں بن سکتے اور شدید گرمی یا دیگر موسمی چیلنجز ان کے عزم اور ہمت کو کمزور کر سکتے ہیں۔پولیس حکام نے مزید کہا کہ اسلام آباد پولیس کے افسران پورے جذبے اور بلند حوصلے کے ساتھ شہر کی حفاظت کو یقینی بنا رہے ہیں۔ اس موقع پر اعلیٰ افسران نے چوکیوں پر تعینات پولیس اہلکاروں کی حوصلہ افزائی بھی کی۔