کینٹ پولیس کی کارروائی، میٹرو سٹیشن پر شہری کی جیب سے 9 لاکھ سے زائد رقم چرانے والا 3 رکنی بین الاضلاعی گینگ گرفتار

اتوار 15 جون 2025 17:45

راولپنڈی (اُردو پوائنٹ اخبارتازہ ترین - این این آئی۔ 15 جون2025ء) کینٹ پولیس کی اہم کاروائی، میٹرو سٹیشن پر شہری کی جیب سے 9 لاکھ سے زائد رقم چرانے والا 3 رکنی بین الاضلاعی گینگ گرفتار، مختلف مقدمات میں مسروقہ رقم 10 لاکھ 28 ہزار روپے برآمدکرلئے۔

(جاری ہے)

تفصیلات کے مطابق کینٹ پولیس نے اہم کاروائی کرتے ہوئے میٹرو سٹیشن پر شہری کی جیب سے 9 لاکھ سے زائد رقم چرانے والے 3 رکنی بین الاضلاعی گینگ کو گرفتار کر لیا، زیر حراست افراد سے مختلف مقدمات میں مسروقہ رقم 10 لاکھ 28 ہزار روپے برآمد ہوئے، گینگ ارکان لاہور، فیصل آباد،ننکانہ صاحب، شیخوپورہ میں چوری، ڈکیتی، سرقہ وہیکلز کی وارداتوں میں ریکارڈ یافتہ ہیں، گینگ 100 سے زیادہ وارداتوں میں ریکارڈ یافتہ ہے، ایس پی پوٹھوہار طلحہ ولی نے ایس ایچ او کینٹ اور ٹیم کو شاباش دیتے ہوئے کہا کہ زیر حراست گینگ کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی، شہریوں کو ان کے قیمتی اثاثے سے محروم کرنے والے قانون کی گرفت سے نہیں بچ سکتے۔