ہاشم میڈیکل سٹی ہسپتال حیدرآباد کے سی ای او و صدر قمر زمان میمن کو پرائیویٹ ہسپتال اینڈ کلینکس ایسوسی ایشن سندھ چیپٹر کا صدر نامزد کر دیا گیا

حیدرآباد(اُردو پوائنٹ اخبارتازہ ترین - این این آئی۔ 15 جون2025ء) ہاشم میڈیکل سٹی ہسپتال حیدرآباد کے سی ای او و صدر قمر زمان میمن کو پرائیویٹ ہسپتال اینڈ کلینکس ایسوسی ایشن سندھ چیپٹر کا صدر نامزد کر دیا گیا۔یہ فیصلہ ایسوسی ایشن کی ایگزیکٹیو کمیٹی کے خصوصی اجلاس میں کیا گیا جس کی صدارت صدر ڈاکٹر سید جنید علی شاہ نے کی، ہاشم میڈیکل سٹی ہسپتال حیدرباد میں منعقدہ اجلاس میں ایسوسی ایشن کے جوائنٹ سیکریٹری ڈاکٹر محمد اقبال میمن نے سندھ چیپٹر کیلیے قمر زمان میمن کا نام بطور صدر تجویز کیا جسے اجلاس میں موجود تمام ارکان نے متفقہ طور پر منظوری دی۔

ایسوسی ایشن کے صدر و سابق وزیر صحت ڈاکٹر سید جنید علی شاہ نے کہا کہ سندھ چیپٹر کے غاز سے ہم ایسوسی ایشن کو پورے ملک میں پھیلانے کے مشن کا آغاز کر رہے ہیں اور یہ ہمارے لئے پہلا بارش کا قطرہ ہے۔

(جاری ہے)

انہوں نے کہا کہ ہیلتھ کیئر ہسپتال کو میڈیکل انڈسٹری کا درجہ دلانے کیلیے کوششوں کا آغاز کر دیا گیا ہے اس کے علاوہ ہم نے تنظیم کے دائرہ کار کو پورے ملک میں پھیلانے کیلیے آئین میں ترمیم پر بھی کام شروع کر دیا ہے۔

جوائنٹ سیکریٹری ڈاکٹر اقبال میمن نے حال ہی میں ترکی میں اسٹیک ہولڈرز سے ہونے والی ملاقاتوں پر بریفنگ دیتے ہوئے بتایا کہ ہماری وہ متعدد فرمز سے میٹنگ پہت حوصلہ افزا رہی ہے اور ہم ان کے ساتھ مل کر میڈیکل ایکوپمنٹ کے شعبہ میں باہمی تجارت کو فروغ اے سکتے ہیں۔نومنتخب صدر سندھ چیپٹر قمر زمان میمن نے صدر ڈاکٹر سید جنید علی شاہ اور ایسوسی ایشن کے تمام ارکان کا شکریہ ادا کیا اور کہا کہ مجھ پر جو اعتماد کیا گیا ہے ان شاللہ میں اپنی تمام تر صلاحتیں بروے کا لاتے ہوئے سندھ چیپٹر کو مثالی بناوں گا، انہوں نے کہا کہ ایف سی سی ئی کے تعاون سے ہمیں ہیلتھ کیئر ہسپتال کو انڈسٹری کا درجہ دلانے کیلئے کوششیں مزید تیز کرنی ہوں گی، انہوں نے دلچسپ انکشاف کرتے ہوئے بتایا کہ تین سال کی مختصر مدت میں ہاشم میڈیکل سٹی ہسپتال میں ایک لاکھ تیس ہزار مریضوں کا ڈیٹا موجود ہے۔

قبل ازیں ڈاکٹر جنید علی شاہ نے شرکا کو بتایا کے ترکش ایئر لائن سے ایسوسی ایشن کے ارکان کیلیے ایم او یو فائنل ہو گیا ہے جبکہ پاک گلف لیزنگ کمپنی سے معاہدے کے لئے بات چیت فائنل اسٹیج پر ہے، انہوں نے بتایا کہ ایسوسی ایشن ممبران ہسپتالوں میں باہمی طور پر پیشنٹ ریفرل سسٹم، اسٹاف ایکسچیینج اور ایجوکیشنل شعبہ میں باہمی تبادلے پر کام شروع کر دیا ہے۔

اجلاس میں نصرت فہیم کوآرڈینیٹر پی ایچ اینڈ سی اے، ڈاکٹر فیصل، نعیم اصغر خازن، حمزہ چشتی، بلال احمد، ڈاکٹر اللہ بچایو میمن، بون کئر ٹراما سینٹر، ڈاکٹر مجتبی پرویز خان، ڈائریکٹر بون کیئر ہسپتال، ڈاکٹر ایم مشتاق خان، ڈی ایم ڈی بھٹائی گروپ، ڈاکٹر راحیل گجراتی سی او او ہاشم میڈیکل سٹی ہسپتال، ایم وسیم میمن ایڈمنسٹریٹر ایم سی ایچ، عارف صدیقی کلسٹر ہیڈ عیسی لیب، بدر محسور ایم ڈی صحت ہسپتال، محمد علی ایڈمنسٹریٹر میمن چیئر ٹیبل ہسپتال اور شاہد علی خان میڈیا مینیجر پی ایچ اینڈ سی اے شریک ہوئے۔اجلاس میں فیصلہ کیا گیا کہ آئندہ میٹنگ انڈس میڈیکل کالج ٹنڈو محمد خان میں 26 جولائی 2025 کو ہو گی جس کی میزبانی جوائنٹ سیکریٹری محمد اقبال میمن کریں گے۔