کندھکوٹ، سمیجو اور لاشاری قبائل کے دو فریقین میں زمین کے تنازعہ پر تصادم ایک شخص قتل ،پانچ افراد زخمی ہو گئے

اتوار 15 جون 2025 21:05

کندھ کوٹ(اُردو پوائنٹ اخبارتازہ ترین - این این آئی۔ 15 جون2025ء) کندھ کوٹ نواحی گائوں میں سمیجو اور لاشاری قبائل کے دو فریقین میں زمین کے تنازعہ پر تصادم ایک شخص قتل جبکہ پانچ افراد زخمی ہو گئے واقعہ کے بعد علاقے میں کشیدگی برقرار خوف وہراس کا ماحول پیدا ہو گیا اطلاع کے باوجود پولیس جائے وقوعہ پر نہ پہنچی۔

(جاری ہے)

تفصیلات کے مطابق؛ کندھ کوٹ کے قریب پولیس تھانہ بی سیکشن کی حدود نواحی گاں خادم حسین لاشاری میں سمیجو اور لاشاری قبائل کے دو گروہوں میں چلنے والے زمینی تنازعہ کے باعث تصادم فائرنگ گولیاں لگنے سے موقع پر ہی حاکم علی سمیجو قتل جبکہ پانچ افراد سمیجو برادری سے ہی تعلق رکھنے والے غلام اکبر، صاحب علی، سکندر علی، محمد عمر ودیگر زخمی ہو گئے اہل علاقہ اور سمیجو برادری کے افراد نے مقتول نوجوان کی لاش اور زخمیوں کو سول ہسپتال کندھ کوٹ پہنچایا جہاں سے دو زخمیوں کو طبی امداد فراہم کرنے کے بعد تشویشناک حالت میں سکہر منتقل کر دیا گیا مقتول شخص کی لاش ضروری قانونی کاغذی کارروائی کے بعد ورثا کے حوالے کردی گئی اطلاع کے باوجود پولیس جائے وقوعہ پر نہ پہنچی فریقین میں کشیدگی برقرار مزید خونریزی کا اندیشہ پولیس نے کوئی اقدام نہیں اٹھائے آخری اطلاع تک پولیس مذکورہ واقعہ کا مقدمہ درج نہ کر سکی اور نہ ہی ملزمان کیخلاف کوئی کارروائی کی۔