سرگودھا ، موٹر سائیکل سوار مسلح افرادکی کار پر اندھادھند فائرنگ ، باپ بیٹی سمیت تین افراد قتل

پیر 16 جون 2025 12:20

سرگودھا(اُردو پوائنٹ اخبارتازہ ترین - این این آئی۔ 16 جون2025ء)سرگودھا میں موٹر سائیکل سوار مسلح افراد نے کار پر اندھادھند فائرنگ کر کے باپ بیٹی سمیت تین افراد کو قتل اور مقتول کی بیوی اور بیٹی سمیت چار افراد کو شدید زخمی کر دیا جن کو ہسپتال منتقل کر کے پولیس مصروف تفتیش ہے۔

(جاری ہے)

آر پی محمد شہزاد آصف خان نے تہرے قتل کا نوٹس لیتے ہوئے رپورٹ طلب کرلی - سرگودھا کے قصبہ شاہپور کے موضع ٹھٹھی میاں رانجھا کا محمد اقبال اپنے اہلخانہ کے ساتھ کار پر سوار جا رہا تھا کہ موٹر سائیکل سوار مسلح افراد نے کار پر اندھا دھند فائرنگ کر کے محمد اقبال اس کی بیوی صائمہ بی بی اور بچے محمد حاشر کو قتل اور مقتول حاشر کی ماں غلام بشری، مقتول محمد اقبال کی بیوی اصالت بی بی،بیٹے محمد ابرار اور محمد الیاس شدید زخمی کر دیا اور فرار ہو گے جن کو ہسپتال منتقل کر دیا گیا اور پولیس مصروف تفتیش ہے۔

واقعہ کا نوٹس لیتے ہوئے آر پی او محمد شہزاد آصف خان نے ڈی پی او محمد صہیب اشرف سے رپورٹ طلب کرلی اور بتایا کہ موبائل کرائم سین اور فورینزک یونٹ نے شواہد اکٹھے کر لیے اور وقوعہ کی تمام اور پہلوں کو مدنظر رکھتے ہوئے تحقیقات کی جا رہی ہیں آر پی او نے ملزمان کے خلاف مقدمہ درج کر کے تفتیش شروع کرنے کا حکم دے دیا ہی-