پاکستان سمیت دنیا بھر میں تشدد کے خلاف عالمی دن26جون کو منایا جائے گا

پیر 16 جون 2025 15:01

مکوآنہ (اُردو پوائنٹ اخبارتازہ ترین - این این آئی۔ 16 جون2025ء)پاکستان سمیت دنیا بھر میں تشدد کے خلاف عالمی دن26جون کو منایا جائے گااس دن کے منانے کا مقصدتشدد سے متاثرہ افراد کی بحالی،انصاف کی فراہمی اورانسانوں پرتشدد کے خاتمے کیلئے عوامی شعور اجاگر کرنا ہے۔

(جاری ہے)

اس دن کے حوالے سے حقوق انسانی اور سماجی تنظیموں کے زیر اہتمام مختلف تقریبات کا اہتمام کیا جائے گا جس سے خطاب کرتے ہوئے مقررین نسل انسانی پر تشدد جیسے جرم پر تفصیلی اظہار خیال کرتے ہوئے اس کے خاتمے پر زور دیں گے فیصل آ باد سمیت دنیا بھر میں انسانوں پر تشددکے خاتمے کا عالمی دن پہلی مرتبہ26جون 1998ء کو منایا گیا۔

ایک رپورٹ کے مطابق تشدد کے واقعات انسانی حقوق کی پامالیوں میں سب سے نمایاں ہیں جس سے لاکھوں خاندان متاثر ہیں پاکستان میں انسانوں پر تشدد میں محکمہ پولیس سب سے نمایاں ہے۔