کراچی، دو ملزمان سے غیرقانونی اسلحہ،مسروقہ نقدی اور موٹرسائیکل برآمد

پیر 16 جون 2025 18:01

کراچی (اُردو پوائنٹ اخبارتازہ ترین - اے پی پی۔ 16 جون2025ء) کراچی پولیس نے دو ملزمان کو گرفتار کر کے غیرقانونی اسلحہ،مسروقہ نقدی اور موٹرسائیکل برآمد کر لیا۔پیر کو ترجمان ملیر پولیس کے مطابق گرفتار ملزمان میں شاہ دیاز عرف بابو اور راغد علی شامل ہیں۔

(جاری ہے)

قائدآباد پولیس نے خفیہ اطلاع پر شیرپائوکالونی کے قریب کارروائی کرتے ہوئے سٹریٹ کرائمز میں ملوث ملزمان کو گرفتار کرلیا۔ ملزمان مختلف علاقوں میں ہونے والی اسٹریٹ کرائمز میں بھی ملوث تھے۔گرفتار ملزمان سے برآمدشدہ اسلحے کو فرانزک رپورٹ کیلئے روانہ کر دیا گیا ہے۔پولیس نے ملزمان کے خلاف مقدمہ درج کرکے مزید تفتیش کا آغاز کردیا ہے۔