Live Updates

ایران اسرائیل کشیدگی‘ عراق، قطر سمیت متعدد ممالک کا فلائٹ آپریشن معطل

ترک ایئرلائن نے ایران کے لیے اپنی پروازیں 19 جون تک معطل کر دیں

پیر 16 جون 2025 21:59

بغداد،دوحہ (اُردو پوائنٹ اخبارتازہ ترین - آن لائن۔ 16 جون2025ء)ایران اور اسرائیل کے درمیان جاری کشیدگی کے باعث مشرقِ وسطیٰ کے فضائی سفر پر سنگین اثرات مرتب ہوئے ہیں، اور متعدد ممالک نے اپنے فلائٹ آپریشن معطل یا منسوخ کر دیے ہیں۔سعودی ایئرلائن نے ایران اور عراق کے لیے آج اور 17 جون کو ہونے والی تمام پروازیں منسوخ کر دی ہیں۔ اسی طرح روس، لبنان، قازقستان، آذربائیجان اور ازبکستان کی ایران و عراق کیلئے پروازیں بھی منسوخ کی جا چکی ہیں۔

(جاری ہے)

ادھر قطر ایئرویز نے ایران، عراق اور شام کے لیے فلائٹ آپریشن کو عارضی طور پر معطل کر دیا ہے۔امارات ایئرلائنز کی پروازیں 20 جون تک اسرائیل، ایران اور عراق کے لیے بند رہیں گی، جبکہ جرمن ایئرلائنز نے بھی اسرائیل، ایران، عراق، عمان اور لبنان کے لیے فضائی آپریشن معطل کرنے کا اعلان کیا ہے۔ترک ایئرلائن نے ایران کے لیے اپنی پروازیں 19 جون تک معطل کر دی ہیں۔بین الاقوامی پروازوں کی بندش کے باعث مسافروں کو شدید مشکلات کا سامنا ہے جبکہ ایوی ایشن حکام نے صورتحال کو مسلسل مانیٹر کرنے کا اعلان کیا ہے۔