مویشی پال حضرات سے بلا سود قرضہ کی واپسی کے حوالے سے راولپنڈی ڈویژن سرفہرست

پیر 16 جون 2025 20:20

راولپنڈی (اُردو پوائنٹ اخبارتازہ ترین - اے پی پی۔ 16 جون2025ء) محکمہ لائیو اسٹاک پنجاب کی جانب سے وزیر اعلیٰ پنجاب مریم نواز شریف کی ہدایت پر جاری کردہ سکیم سی ایم پنجاب لائیو سٹاک کارڈ کے پیش نظر پنجاب بھر میں مویشی پال افراد کو جانور فربہ کرنے کے لیے اچھی خوراک کھل،ونڈا منرل مکسچر وغیرہ خریدنے میں تعاون کے لیے بلا سود قرضہ فراہم کیا گیاہے۔

سکیم کی معائنہ مدت چار ماہ کا عرصہ مکمل ہونے پر بلا سود قرضہ کی ادائیگی کے حوالے سے راولپنڈی ڈویژن پہلے پر نمبر پر موجود ہے۔

(جاری ہے)

صوبائی وزیر برائے لائیو اسٹاک سید عاشق حسین کرمانی کی ہدایت پر ایک ہفتہ کے عرصہ میں مویشی پال حضرات سے قرضہ کی ریکوری کرنے کا ٹارگٹ دیا گیا تھا ۔جس میں راولپنڈی ڈویژن کے دونوں اضلاح اٹک اور جہلم ریکوری کرانے میں کامیاب قرار پائے اور مدت ریکوری سے پہلے راولپنڈی ڈویژن نے پنجاب کے تمام اضلاع سے پہلے قرضہ ریکوری کروا دی۔

راولپنڈی میں 94.30فیصد رقم حکومت پنجاب اور بینک آف پنجاب کے اکاؤنٹ میں بلا تاخیر جمع کروا دی گئی ہے۔اس حوالے سے ڈائریکٹر لائیو اسٹاک راولپنڈی ڈاکٹر نوید سحر زیدی نے کہا ہے کہ بقایا 20 لاکھ کی رقم جلد مویشی پال حضرات سے وصول کرلی جائے گی۔