Live Updates

پنجاب بجٹ میں شہری ترقی کے لیے 145ہزار ملین روپے مختص

پیر 16 جون 2025 23:10

لاہور (اُردو پوائنٹ اخبارتازہ ترین - اے پی پی۔ 16 جون2025ء) پنجاب کے آئندہ مالی سال2025-26 کے بجٹ میں سالانہ ترقیاتی پروگرام کے تحت شہری ترقی کی مختلف سکیموں کے لیے مجموعی طورپر 145 ہزار ملین روپے مختص کئے گئے ہیں۔

(جاری ہے)

جس کے تحت 142جاری سکیموں کے لیے 79722.099 ملین روپے جبکہ 42 نئی سکیموں کے لیے 15277.901 ملین روپے مختص کئے گئے ہیں ۔اہم جاری سکیموں میں ایل ڈی اے کی 15 سکیموں کے لیے 2241.531 ملین روپے ،آر ڈی اے کے لیے 8802 ملین روپے ،واسا فیصل آباد کے لیے 1126 ملین روپے مختص کئے گئے ہیں جبکہ نئی سکیموں میں تین بلاکس کی تکمیل کے لیے 10080 ملین روپے ،چیف منسٹر انیشی ایٹو کے لیے 5 ہزار ملین روپے مختص کئے گئے ہیں۔