Live Updates

عمران خان طویل عرصے بعد گرل فرینڈ کیساتھ منظرِعام پر آگئے

دونوں نے میڈیا کے سامنے پوز دیے تو تمام تر توجہ انہی پر مرکوز ہوگئی

جمعہ 20 جون 2025 12:14

عمران خان طویل عرصے بعد گرل فرینڈ کیساتھ منظرِعام پر آگئے

ممبئی (اُردو پوائنٹ اخبارتازہ ترین - این این آئی۔ 20 جون2025ء)بالی وڈ کے معروف اداکار عامر خان کے بھانجے اور فلم ’’جانے تو یا جانے نہ‘‘سے شہرت پانے والے اداکار عمران خان طویل عرصے کے بعد ایک عوامی تقریب میں نظر آئے۔عمران خان نے گزشتہ شب اپنے ماموں کی فلم’’ستارے زمین پر‘‘کی خصوصی اسکریننگ میں شرکت کی، جہاں وہ اپنی ساتھی اداکارہ اور دوست لیکھا واشنگٹن کے ہمراہ جلوہ گر ہوئے۔

تقریب کے دوران جب دونوں نے میڈیا کے سامنے پوز دیے تو تمام تر توجہ انہی پر مرکوز ہوگئی۔

(جاری ہے)

عمران خان نے نہ صرف اپنے ماموں بلکہ اپنی پرانی ساتھی اداکارہ جینیلیا ڈیسوزا کو بھی سپورٹ کرنے کے لیے تقریب میں موجود تھے، جو فلم 'ستارے زمین پرمیں عامر خان کی ہیروئن کا اہم کردار نبھا رہی ہیں۔اس موقع پر عمران خان نے سیاہ ٹی شرٹ، بران جیکٹ اور بلیو جینز میں خاصا دلکش انداز اپنایا جبکہ لیکھا واشنگٹن سبز پرنٹڈ لباس میں بے حد خوش مزاج اور اسٹائلش نظر آئیں۔

جب لیکھا تھیٹر کی جانب بڑھنے لگیں تو عمران نے ان کے کندھے کو نرمی سے چھو کر اشارہ دیا کہ فوٹوگرافرز مزید تصاویر لینا چاہتے ہیں۔لیکھا نے فورا مڑ کر مزید چند پوز دیے اور دونوں نے ایک ساتھ کیمروں کے سامنے خوبصورت لمحات قید کروائے۔