پبلک ہیلتھ لیب نیٹ ورک کے قیام کے بعد ہم متعدی امراض کے بہتر علاج کے قابل ہو جائیں گے، خواجہ سلمان رفیق

جمعہ 20 جون 2025 20:10

لاہور (اُردو پوائنٹ اخبارتازہ ترین - اے پی پی۔ 20 جون2025ء) صوبائی وزیر صحت خواجہ سلمان رفیق سے محکمہ سپیشلائزڈ ہیلتھ کیئر اینڈ میڈیکل ایجوکیشن پنجاب میں آئی ڈی ایس آر لیبارٹری نیٹ ورک کے قیام کے حوالے سے یوکے ایچ ایس اے کی سینئر قیادت نے ملاقات کی۔

(جاری ہے)

اس موقع پر سپیشل سیکرٹری آپریشنز طارق محمود رحمانی، ایڈیشنل سیکرٹری ٹیکنیکل ڈاکٹر محمد وسیم، ڈین انسٹی ٹیوٹ آف پبلک ہیلتھ پروفیسر سائرہ افضل، ڈاکٹر سعید اختر، نیشنل انسٹی ٹیوٹ آف ہیلتھ، پبلک ہیلتھ لیب و دیگر افسران موجود تھے۔

اس موقع پر کنٹری اور ایمرو لیڈ یو کے ایچ ایس اے ڈاکٹر محمد سرتاج نے حکومت پنجاب سے پبلک ہیلتھ لیب نیٹ ورک کیلئے تکنیکی معاونت کی پیش کش بھی کی۔صوبائی وزیر صحت نے وفد کی جانب سے پبلک ہیلتھ لیب نیٹ ورک کے قیام کیلئے تکنیکی معاونت کی پیش کش کو سراہا۔انہوں نے کہاکہ حکومت پنجاب عوام کو صحت کی بہترین سہولیات کی فراہمی کیلئے پر عزم ہے۔پبلک ہیلتھ لیب نیٹ ورک کے قیام کے بعد ہم متعدی امراض کے بہتر علاج کے قابل ہو جائیں گے۔