صحت کے شعبے میں نمایاں تبدیلیاں اور بہتری لانے جا رہے ہیں، مصطفی کمال

ہفتہ 21 جون 2025 21:45

کراچی (اُردو پوائنٹ اخبارتازہ ترین - آن لائن۔ 21 جون2025ء) وزیر صحت مصطفی کمال نے کہا ہے کہ صحت کے شعبے میں نمایاں تبدیلیاں اور بہتری لانے جا رہے ہیں ۔ ٹیلی میڈیسن سہولت کو وسعت دینے جا رہے ہیں ۔ عوام کو گھر کی دہلیز پر طبی سہولیات کی فراہمی یقینی بنائی جائے گی ۔ تقریب سے خطاب کرتے ہو ے انہوں نے کہا دنیا بھر میں پولیو کا خاتمہ ہو گیا ہے پاکستان میں ابھی بھی پولیو موجود ہے۔

انہوں نے کہا کہ ہما را یہ المیہ ہے کہ ہمارے ملک میں آئی ایم ایف کے قرض سے زیادہ ادویات کھائی جاتی ہیں جو ایک تشویشناک بات ہے ۔

(جاری ہے)

انہوں نے کہا اس وقت ہسپتال بنانا زیادہ اہم نہیں بیماریوں کی روک تھام اہم ہے ۔ شہریوں کی بیماریوں کی روک تھام کی ذمہ داری ہماری ہے ۔ قوم کی مجموعی صحت بہتر کرنا ہمارے لئے اہم ہے ۔ انہوں نے کہا ستر فیصد شہریوں کو بی ایچ یو کی سہولت نہیں مل رہی ۔

ہم عوام کو گھر کی دہلیز پر صحت کی سہولیات کی فراہمی کے لئے اقدامات کر رہے ہیں ۔ سرکاری ہسپتالوں کو بھی بہتر بنانے جا رہے ہیں ۔ انہوں نے کہا ٹیلی میڈیسن کی سہولت کو وسعت دینے جا رہے ہیں ۔ دوا اور ڈاکٹر کو عوام کی دہلیز پر پہنچائیں گے ۔ صحت کے شعبے میں جلد آپکو نمایاں تبدیلیاں نظر آئیں گی ؂۔