صوبائی وزیرسید ریاض حسین شاہ کا شہید محترمہ بینظیر بھٹو کے 72ویں یومِ پیدائش پرخراجِ تحسین پیش

ہفتہ 21 جون 2025 21:59

کراچی (اُردو پوائنٹ اخبارتازہ ترین - اے پی پی۔ 21 جون2025ء) صوبائی وزیر برائے اوقاف، مذہبی امور، زکوة و عشر، سید ریاض حسین شاہ شیرازی نے پاکستان پیپلز پارٹی کی عظیم رہنما، سابق وزیرِاعظم شہید محترمہ بینظیر بھٹو کے 72ویں یومِ پیدائش پرانہیں خراجِ تحسین پیش کیا۔ ہفتہ کو سید ریاض حسین شاہ شیرازی نے اپنے جاری پیغام میں کہا کہ شہید محترمہ بینظیر بھٹو کا وژن صرف سیاست نہیں بلکہ عوامی خدمت، تعلیم، صحت، روزگار اور غربت کے خاتمے پر مرکوز تھا۔

(جاری ہے)

انہوں نے ملک میں جدید ہسپتالوں، تعلیمی اداروں، خواتین کی خودمختاری جیسے انقلابی منصوبے متعارف کروائے، ان کی قیادت میں پاکستان نے دنیا بھر میں ایک مثبت شناخت بنائی۔ انہوں نے کہا کہ آج بھی شہید محترمہ کا مشن پاکستان پیپلز پارٹی کے شریک چیئرمین آصف علی زرداری اور چیئرمین بلاول بھٹو زرداری کی قیادت میں جاری ہے، جو ان کے نظریے کو آگے بڑھاتے ہوئے ملک میں سماجی انصاف، یکجہتی، آئینی حکمرانی اور جمہوریت کے تسلسل کو مضبوط کر رہے ہیں۔ انہوں نے کہا کہ موجودہ سیاسی ماحول میں محترمہ بینظیر بھٹو جیسے فہم و فراست، تدبر، جرات اور قربانی کے پیکر کی کمی شدت سے محسوس کی جا رہی ہے۔