پاکستان سنی تحریک کی سینیٹر پرویز رشید کے پارلیمنٹ میں کی جانے والی تقریر پر شدید مذمت

کراچی(اُردو پوائنٹ اخبارتازہ ترین - این این آئی۔ 21 جون2025ء)پاکستان سنی تحریک کی سینیٹر پرویز رشید کے پارلیمنٹ میں کی جانے والی تقریر پر شدید مذمت۔اسلامی قوانین بالخصوص قادیانیوں کے متعلق قوانین کو چھیڑنے یا انہیں غیر موثر کرنے کی اجازت کسی بھی صورت نہیں دی جائے گی۔ان خیالات کا اظہار پاکستان سنی تحریک کے چیئرمین انجینئر محمد ثروت اعجاز قادری مرکزی صدر صاحبزادہ علامہ بلال عباس قادری اور مرکزی سیکرٹری جنرل صاحبزادہ علامہ بلال سلیم قادری نے اپنے جاری بیان میں کیا۔

ثروت اعجاز قادری کا کہنا تھا کہ پرویز رشید کے مذکورہ قابل مذمت اور شرانگیز و اشتعال انگیز بیان پر سینیٹ میں موجود دیگر اراکین بالخصوص مذہبی جماعتوں کے نمائندوں کی خاموشی بھی قابل تشویش ہے۔

(جاری ہے)

پاکستانی آئین اور قانون کے مطابق جب قادیانیوں کو اسلام سے خارج کر دیا گیا ہے تو پھر کس بات کی پارلیمنٹ میں بحث کی جا رہی ہے۔ایسا محسوس ہو رہا ہے کہ ابھی بھی ہمارے درمیان قادیانیوں کے سہولت کار موجود ہیں۔

سینیٹر پرویز رشید اسلامی جمہوریہ پاکستان میں رہ کر قادیانیوں کی حمایت کرتے ہیں۔قادیانی اقلیت نہیں بلکہ اس ملک کے آئین کے مطابق مرتد ہے۔قدیانیوں نے پنی حثیت کو آئین پاکستان کے مطابق تسلیم ہی نہںں کیا جس طرح عیسائی ہندوں پارسی و دیگر مذاھب اس ملک میں اقلیت ہے اور انہے اقلیتی تمام حقوق حاصل ہے تو کس طرح پرویز رشید انہے اقلیت قرار دینے میں لگا ہے۔

قادیانی سب سے پہلے پنا مذھب ڈیکلیر کرے کے وہ کون ہے ان کی عبادت کا انداز طریقہ کیا ہے اور ان کی مذھبی عبادت گاہ کا کیا نقشہ ہے۔پرویز رشید کا سینیٹ جیسے سنجیدہ فورم پہ اتنا غیر آئینی و غیر ذمہ دارانا بیان ملکی اداروں کے لیے لمحہ فکریہ ہے حکومت وقت پنے لوگوں کو لگام دیں کے رکھے اور دین اسلام کے بارے میں اپنی پالیسی واضح کرے۔بلال عباس قادری کا کہنا تھا کہ سینیٹر پرویز رشید پارلیمنٹ میں قادیانیوں کے خلاف پاکستانی قانون اور قوانین کے نفاذ پر تنقید کرتے ہیں۔

سینیٹر صاحب پاکستانی عوام کے جذبات سے نہ کھیلیں۔معتبر پارلیمانی فرم پر بیٹھ کر اس طرح کی باتیں کرنے سے عوام کے جذبات مجروح ہوتے ہیں۔پرویز رشید قادیانیوں کے حق میں اپنا بیان دے کر ملک کے آئین اور قانون کی خلاف ورزی کر رہے ہیں۔بلال سلیم قادری نے پرویز رشید کے بیان پر کہا کہ سینیٹر پرویز رشید کس کے سہولت کار ہیں جو انہوں نے پارلیمنٹ سے قادیانیوں کے متعلق قوانین کو ختم کرنے کا مطالبہ کر دیا ہے۔

کیا اسلامی جمہوریہ پاکستان میں پاکستان کے آئین اور قانون کے ساتھ اسی طرح کھلواڑ ہوتا رہے گا۔کبھی انہوں نے پارلیمنٹ میں کھڑے ہو کر شرعی قانون کو نافذ کرنے کے متعلق بات کی ہے۔پرویز رشید کو کیا معلوم کہ شرعی نظام کیا ہوتا ہے۔ایسا لگ رہا ہے جیسے پرویز رشید کا ذہنی توازن ٹھیک نہیں ہے اور انہیں علاج کی شدید ضرورت ہے۔