ریپ اور دہشتگردی، امریکا کی بھارت کے لیے نئی ٹریول ایڈوائزری جاری

دہشتگردی اور بے امنی کی وجہ سے مقبوضہ کشمیر،بھارتی وسطی،مشرقی علاقوں کے سفر سے گریز کریں،ہدایت

اتوار 22 جون 2025 13:35

واشنگٹن (اُردو پوائنٹ اخبارتازہ ترین - این این آئی۔ 22 جون2025ء)امریکا نے بھارت کے لیے نئی ٹریول ایڈوائزری جاری کرتے ہوئے اپنے شہریوں کو بھارت کے متعدد علاقوں میں سفر نہ کرنے کی ہدایات جاری کردی ہیں۔امریکی محکمہ خارجہ نے بھارت کے لیے ٹریول ایڈوازری جاری کرتے ہوئے کہا کہ بھارت میں پرتشدد جرائم اور دہشتگردی کے واقعات ہورہے ہیں۔

(جاری ہے)

نئی ایڈوائزری کے مطابق بھارت میں جرائم کے تیزی سے بڑھتے واقعات میں سے ایک ریپ ہے۔

نئی ٹریول ایڈوائزری کے مطابق دہشتگرد سیاحتی مقامات، ٹرانسپورٹ مراکز، مارکیٹوں، شاپنگ مالز اور سرکاری سہولیات کو نشانہ بنا سکتے ہیں۔امریکی حکومت نے اپنے شہریوں سے ہدایت کی ہے کہ وہ دہشتگردی اور بے امنی کی وجہ سے مقبوضہ کشمیر کے سفر سے گریز کریں۔ بھارت کے چند وسطی اور مشرقی علاقوں میں بھی سفر سے گریز کیا جائے۔