ڑ*محرم الحرام میں بلاتعطل بجلی کی فراہم کو یقینی بنایا جائیگا، اویس لغاری

ی*وفاقی وزیر نے ڈسکوز کے سی ای اوز کو خطوط لکھ دیں ،فوری انتظامات مکمل کرنے کی ہدایت

اتوار 22 جون 2025 18:35

cٓسلام آباد (اُردو پوائنٹ اخبارتازہ ترین - آن لائن۔ 22 جون2025ء) وفاقی وزیر توانائی سردار اویس لغاری نے محرم الحرام میں بجلی کی بلاتعطل فراہمی کی ہدایات جاری کی ہیں۔

(جاری ہے)

وفاقی وزیر کی جانب سے ڈسکوز کے سی ای اوز کو لکھے گئے خطوط میں محرم الحرام کے تناظر میں فوری اقدامات کرنے کے احکامات دئیے گئے ہیں وفاقی وزیر نے کہا کہ محرم الحرام کا مقدس مہینہ محرم الحرام قریب آ رہا ہے محرم میں ملک بھر میں لاکھوں عزاداران مجالس اور جلوسوں میں شرکت کریں گے انہوں نے کہا رواں سال محرم میں گرمی کی لہروں کے امکانات ہیں اور بلا تعطل بجلی کی فراہمی کو یقینی بنانے کی اشد ضرورت ہے انہوں نے کہا کہ مذہبی تقریبات کے دوران عوام کو کسی بھی قسم کی تکلیف سے بچایا جائے اور تمام ڈسکوز میں خراب سامان کی فوری مرمت یا تبدیلی کو یقینی بنانے اور ڈسکوز کو ایمرجنسی رسپانس ٹیمیں تشکیل دینے کے بھی احکامات دئیے ہیں انہوں نے کہا کہ یوم عاشورکو ایمرجنسی رسپانس ٹیموں کو ہائی الرٹ پر تعینات کیا جائے انہوں نے کہا کہ محرم الحرام میں مقامی حکام کے ساتھ مسلسل رابطہ رکھا جائے ضلعی انتظامیہ، قانون نافذ کرنے والے اداروں اور مذہبی تنظیموں کے ساتھ مکمل تعاون کریں انہوں نے کہا کہ صارفین، خصوصاً امام بارگاہوں اور مساجد کو کسی بھی شیڈولڈ مرمت یا ممکنہ لوڈ مینجمنٹ کے بارے میں پیشگی آگاہ کریں.انہوں نے کہا کہ حساس مقامات پر اسٹینڈ بائی جنریٹرز اور یو پی ایس سسٹمز کی دستیابی کو یقینی بنایا جائے اورکسی بھی غیر متوقع گرڈ مسئلے کی صورت میں بیک اپ بجلی فراہم کی جائی. وفاقی وزیر نے کہا کہ محرم الحرام کے دوران تکنیکی اور آپریشنل عملے کی 24/7 دستیابی کو یقینی بنایا جائے تمام سطحوں پر مخصوص کنٹرول سنٹرز قائم کیے جائیں اور اس معاملے میں کسی بھی قسم کی غفلت یا کوتاہی کی گنجائش نہیں ہے انہوں نے ہدایت کی کہ محرم الحرام کے سلسلے میں اقدامات کی رپورٹ پاور ڈویڑن کو بھیجی جائی