سکھر میںگرمی میں اضافہ،درجہ حرات بڑھنے لگا،سڑکوں پر سناٹے چھا گئے،شہری گھروں میں محصور

اتوار 22 جون 2025 20:30

سکھر(اُردو پوائنٹ اخبارتازہ ترین - این این آئی۔ 22 جون2025ء) سکھر میںگرمی میں اضافہ،درجہ حرات بڑھنے لگا،سڑکوں پر سناٹے چھا گئے،شہری گھروں میں محصور،ٹریفک بھی معمول سے کم،بجلی کی غیر اعلانیہ لوڈشیڈنگ کا سلسلہ شروع تفصیلات کے مطابق ملک کے دیگر شہروں کی طرح سکھر اور اسکے گردنواح میں گرمی کی شدت میں اضافہ ہوگیا گرمی بڑھنے کے باعث معمولات زندگی بھی متاثر رہی اور سڑکوں پر ٹریفک معمول سے کم رہنے کیساتھ ساتھ سڑکوں پر سناٹے چھائے رہے محکمہ موسمیات کے مطابق گرمی میں مزید اضافے کا امکان ہے دوسری جانب گرمی کی شدت میں سکھر الیکٹرک پاور سپلائی سپیکو انتظامیہ کی جانب سے شہری و دیہی علاقوں میں گھنٹوں بجلی کی لوڈشیڈنگ اور دن بھر آنکھ مچولی نے شہریوں کو مزید مشکلات میں ڈال دیا جس کے باعث گھریلوں اور کاروباری سرگرمیاں شدید متاثر رہی اور گھروں میں موجود خواتین اور بچوں کو شدید پریشانی کا سامنا کرنا پڑا دوسری جانب شہریوں کی بڑی تعداد نے گرمی کی شدت سے بچنے کے لئے نہروں اور نجی واٹر پارکوں کا رخ شروع کردیا ہے جبکہ لوگ دن کے اوقات میں بھی گھروں میں محصور دیکھائی دے رہے ہیں۔