Live Updates

اسرائیلی حملے میں ایرانی خاتون کراٹے چیمپئن جاں بحق

ایرانی کراٹے فیڈریشن نے ہیلینا غولامی کی موت کی تصدیق کردی

ذیشان مہتاب پیر 23 جون 2025 11:14

اسرائیلی حملے میں ایرانی خاتون کراٹے چیمپئن جاں بحق

تہران (اردو پوائنٹ تازہ ترین اخبار ۔ 23 جون 2025ء ) ایرانی صوبے لرستان سے تعلق رکھنے والی معروف کراٹے کھلاڑی ہیلینا غولامی حالیہ اسرائیلی حملوں میں جاں بحق ہو گئیں۔

ہیلینا غولامی کی موت کی تصدیق ایرانی کراٹے فیڈریشن نے کرتے ہوئے گہرے دکھ اور افسوس کا اظہار کیا ہے۔

ہیلینا غولامی نہ صرف کراٹے کی ماہر کھلاڑی تھیں بلکہ نوجوانوں کے لیے ایک رول ماڈل کے طور پر بھی جانی جاتی تھیں۔

ان کی موت پر ایران بھر میں کھیلوں سے وابستہ حلقوں میں سوگ کی فضا ہے۔

(جاری ہے)

یاد رہے کہ 13 جون 2025ء کو اسرائیل نے ایران کیخلاف جارحیت شروع کی تھی۔

یہ حملے اس وقت کیے گئے جب ایران اور امریکہ کے درمیان جوہری پروگرام اور یورینیم افزودگی سے متعلق نئے معاہدے پر مذاکرات جاری تھے۔

ایرانی حکومت کے ترجمان کے مطابق ان حملوں میں اب تک کم از کم 224 افراد جاں بحق ہو چکے ہیں جن میں 74 خواتین اور بچے شامل ہیں جب کہ وزارت صحت نے زخمیوں کی تعداد 1,800 سے زائد بتائی ہے۔