پرائم منسٹر زیوتھ پروگرام اور لاہور قلندر کی اشتراک سے کوئٹہ میں ملک گیر کرکٹ ٹیلنٹ ہنٹ پروگرام کا شاندار آغاز27 جون سے ہوگا

پیر 23 جون 2025 15:18

اسلام آباد (اُردو پوائنٹ اخبارتازہ ترین - اے پی پی۔ 23 جون2025ء) پرائم منسٹر زیوتھ پروگرام اور لاہور قلندر کی اشتراک سے کوئٹہ میں ملک گیر کرکٹ ٹیلنٹ ہنٹ پروگرام کا شاندار آغاز27 جون سے ہوگا جس کا مقصد پاکستان کے طول و عرض سے نیا ٹیلنٹ تلاش کرنا اور نوجوانوں کو اپنی صلاحیتوں کے اظہار کا بھرپور موقع فراہم کرنا ہے۔پیرکو وزیراعظم یوتھ پروگرام سے جاری بیان کے مطابق وزیراعظم یوتھ پروگرام اور لاہور قلندر کے درمیان 12 جون2025 کو کرکٹ ٹیلنٹ ہنٹ پروگرام میں شراکت داری کے معاہدے پر دستخط کیے گئے تھے ۔

(جاری ہے)

جس کے تحت یہ سلسلہ ملک کے دیگر بڑے شہروں میں بھی جاری رہے گا، تاکہ ملک بھر سے باصلاحیت نوجوانوں کو قومی کرکٹ میں آگے لایا جا سکے۔منتخب نوجوان کھلاڑیوں کو نہ صرف جدید تربیت فراہم کی جائے گی بلکہ انہیں قومی اور بین الاقوامی سطح پر اپنی کارکردگی دکھانے کے مواقع بھی حاصل ہوں گے۔ پرائم منسٹر یوتھ پروگرام نوجوانوں کو کھیلوں کی سرگرمیوں میں مشغول رکھنے اور ان کی صلاحیتوں کو نکھارنے کے لیے پُرعزم ہے۔ پرائم منسٹرز کرکٹ ٹیلنٹ ہنٹ مستقبل کے سٹار کرکٹرز کے لیے ایک اہم سنگِ میل قرار دیا جا رہا ہے جو کھیلوں کے فروغ میں کلیدی کردار ادا کرے گی۔