ایرانی حملے کامساوی جواب دینے کا حق محفوظ رکھتے ہیں، قطر

قطر کے فضائی دفاعی نظام نے حملے کو کامیابی سے ناکام بنا دیا ،ترجمان وزارت خارجہ

منگل 24 جون 2025 11:52

دوحہ(اُردو پوائنٹ اخبارتازہ ترین - این این آئی۔ 24 جون2025ء)قطر کی حکومت نے العدید میں قائم امریکی فضائی اڈے پر ایرانی کی جانب سے کیے جانے والے حملے کی شدید مذمت کی ہے۔

(جاری ہے)

میڈیارپورٹس کے مطابق قطری کی وزراتِ خارجہ کے ترجمان ماجد الانصاری نے سماجی رابطے کی سائٹ ایکس پر لکھا کہ ہم اسے ریاست قطر کی خودمختاری، اس کی فضائی حدود، بین الاقوامی قانون اور اقوام متحدہ کے چارٹر کی کھلی خلاف ورزی سمجھتے ہیں۔انھوں نے کہا کہ قطر کے فضائی دفاعی نظام نے حملے کو کامیابی سے ناکام بنا دیا اور ایرانی میزائلوں کو ناکام بنا دیا اور اڈے کو پہلے ہی خالی کرا لیا گیا تھا۔