سینیٹ کی آئی ٹی کمیٹی نے اسلام آباد میں مفت وائی فائی منصوبے پربریفنگ طلب کرلی

جمعرات 26 جون 2025 20:17

اسلام آباد (اُردو پوائنٹ اخبارتازہ ترین - آن لائن۔ 26 جون2025ء)سینیٹ کی آئی ٹی کمیٹی نے اسلام آباد میں مفت وائی فائی منصوبے پر بریفنگ طلب کر لی،ذرائع کے مطابق عوام اور مسافروں کیلئے مفت وائی فائی سروس پر وزارت آئی ٹی سے بریفنگ طلب کی گئی ،اس کے علاوہ کرپٹو کرنسی کے ضابطہ کار کے لیے قائم کونسل میں وزارت آئی ٹی کے کردار پر بریفنگ طلب کی گئی ہے ،اس حوالے سے سینیٹ کمیٹی نے وزارت آئی ٹی اور خزانہ کے سیکرٹریز کو اجلاس میں طلب کر لیا،ذائع کے مطابق ڈیجیٹل نیشن پاکستان ایکٹ کے بعد وزارت آئی ٹی کی کارکردگی کا جائزہ لیا جائے گا،وزارت آئی ٹی کی جانب سے PSDP فنڈز کے استعمال کے علاوہ ہر منصوبے میں فنڈز کے استعمال کی رپورٹ بھی مانگ لی گئی ہے،سینیٹ آئی ٹی کمیٹی نے ذہانت اے آئی کی لانچنگ پر وزیر آئی ٹی کے دعوے اور NITB کی تردیدکا بھی نوٹس لیا ہے اور اس حوالے سے سرکاری بیانیے پر وضاحت طلب کی گئی ہے ،کمیٹی نے ڈی جی (انٹرنیشنل کوآرڈینیشن) کی تقرری کے عمل پر تفصیلات مانگ لیں ہیں