ایڈیشنل ڈپٹی کمشنرجنرل کی زیرصدارت پبلک ہیلتھ آفس میں پانی کی فراہمی کے حوالہ سے کھلی کچہری کا انعقاد

جمعرات 26 جون 2025 20:20

کوہستان لوئر (اُردو پوائنٹ اخبارتازہ ترین - اے پی پی۔ 26 جون2025ء) ڈپٹی کمشنر کوہستان لوئر طارق محمود کی ہدایت پر ایڈیشنل ڈپٹی کمشنر جنرل کوہستان لوئر عبدالولی خان نے پبلک ہیلتھ آفس میں پانی کی فراہمی کیلئے کھلی کچہری کا انعقاد کیا۔کھلی کچہری میں شہریوں نے بڑی تعداد میں شرکت کی اور ایڈیشنل ڈپٹی کمشنر جنرل کے روبرو اپنی شکایات بیان کیں۔

اس موقع پر اسسٹنٹ کمشنر ہیڈکوارٹر پٹن اور متعلقہ افسران بھی موجود تھے۔

(جاری ہے)

ایڈیشنل ڈپٹی کمشنر جنرل کوہستان لوئر نے عوامی شکایات کا فرداً فرداً جواب دیا۔کچھ شکایات کا موقع پر ازالہ کیا گیا اور بعض شکایات کو حل کرنے کیلئے متعلقہ محکموں کو ریفر کر دی گئی۔ایڈیشنل ڈپٹی کمشنر جنرل کوہستان لوئر نے خصوصی طور پر متعلقہ محکموں کے سربراہان کو ہدایت جاری کی کہ ان مسائل کو قانون کے مطابق ترجیحی بنیادوں پر حل کیا جائے۔ ان شکایات کے حوالے سے پراگریس ریویو اجلاس بھی منعقد کیا جائے گا جس میں ان شکایات کی تازہ ترین صورتحال کے بارے پوچھا جائے گا۔ایڈیشنل ڈپٹی کمشنر جنرل کوہستان لوئر نے مزید کہا کہ کھلی کچہری کا مقصد عوام کے مسائل ان کے دہلیز پر حل کرنا ہے۔

متعلقہ عنوان :