پنجاب میں ورکرز کے گھروں پر چھاپے مارنا شروع کر دیے گئی: وزیرِ اعلیٰ کے پی علی امین گنڈاپور

ہفتہ 12 جولائی 2025 22:45

پشاور (اُردو پوائنٹ اخبارتازہ ترین - این این آئی۔ 12 جولائی2025ء)وزیرِ اعلیٰ خیبر پختونخوا علی امین گنڈاپور نے کہا ہے کہ پنجاب کے لوگوں نے ہر طرح کی قربانیاں دی ہیں، پنجاب میں ورکرز کے گھروں پر اب پھر چھاپے مارنا شروع کر دیے گئے ہیں۔نجی ٹی وی سے خصوصی گفتگو کرتے ہوئے وزیرِ اعلیٰ خیبر پختونخوا علی امین گنڈاپور نے کہا کہ پارلیمانی پارٹی کے تمام اراکین کی ایک میٹنگ بلائی ہے۔

(جاری ہے)

انہوںنے کہاکہ میٹنگ میں مستقبل کی حکمتِ عملی پر مشاورت اور فیصلے ہوں گے، مشاورت کرنی ہے کہ 5 اگست تک اس تحریک کو کیسے آگے لے کر چلنا ہے۔وزیرِ اعلیٰ خیبر پختونخوا علی امین گنڈاپور نے کہا کہ ہم چاہتے ہیں کہ سب کو سن کر ایک متفقہ فیصلہ کیا جائے، ہماری لیڈر شپ اور ورکرز اس وقت جیل میں ہیں، ہمارے ورکرز پیشیاں بھگت رہے ہیں۔انہوں نے کہا کہ پنجاب اٹھے گا تو پورا پاکستان اٹھے گا، کوشش ہمارے ہاتھ میں ہے جسے کامیابی اللّٰہ دے گا۔