سی ٹی او کا ٹریفک وارڈن پر تشدد کے واقعہ کا نوٹس، تین افرادگرفتار،مقدمہ درج

جمعہ 27 جون 2025 00:30

لاہور (اُردو پوائنٹ اخبارتازہ ترین - اے پی پی۔ 27 جون2025ء) چیف ٹریفک آفیسر کا ٹریفک وارڈن پر تشدد کے واقعہ کا نوٹس،وارڈن پر تشدد کرنے والے تینوں افرادگرفتار،مقدمہ درج۔

(جاری ہے)

ترجمان پولیس کے مطابق مزنگ کے علاقہ میں ڈیوٹی پر موجود ٹریفک وارڈن نے فینسی اور غیر نمونہ نمبر پلیٹ پر گاڑی کو روکا تو کار سواروکلاء نے مزید ساتھیوں کو بلا کر وارڈن کو مارنا شروع کر دیا، وکلاء اور ساتھیوں کے تشدد سے ٹریفک وارڈن کا دانت ٹوٹ اور وردی پھٹ گئی جبکہ موقع پر موجود راہگیروں نے واقعہ کی ویڈیو بنا لی جس میں وکلاء اور ساتھیوں کو ٹریفک وارڈن پر تشدد کرتے واضح طور پر دیکھا جا سکتا ھے۔

سی ٹی او لاھور نے واقعہ کا فوری نوٹس لیتے ھوئے قصورواران کے خلاف مقدمہ درج کرنے کا حکم دے دیا جبکہ تشدد کرنے والے وکلاء کے تین ساتھیوں کو گرفتار کر لیا گیا ھے۔ چیف ٹریفک آفیسر نے کہا کہ میری فورس کا ہر جوان میرے لئے اہمیت کا حامل ہے ،کار سرکار میں مداخلت اور وارڈنز پر تشدد ہرگز برداشت نہیں کیا جائے گا۔