امریکا کا متنازع غزہ ہیومینی ٹیرین فاونڈیشن کو 30 ملین ڈالر امداد دینے کا اعلان

جمعہ 27 جون 2025 18:01

واشنگٹن (اُردو پوائنٹ اخبارتازہ ترین - این این آئی۔ 27 جون2025ء)امریکی وزارتِ خارجہ نے غزہ ہیومینی ٹیرین فاونڈیشن کو 30 ملین ڈالر امداد دینے کا اعلان کیا ہے۔غیر ملکی میڈیا کے مطابق امریکی وزارتِ خارجہ کے ترجمان ٹامی پگوٹ نے کہا ہے کہ ہم دوسرے ممالک سے بھی مطالبہ کرتے ہیں کہ وہ غزہ ہیومن رائٹس فاونڈیشن کی امداد کریں۔

(جاری ہے)

اسرائیلی اور امریکی مدد سے چلنے والے ادارے غزہ ہیومینی ٹیرین فاونڈیشن پر اس لحاظ سے تنقید کی جاتی ہے کہ اس کی جانب سے لگائے جانے والے مختلف امدادی پوائنٹس پر 549 فلسطینیوں کو شہید کیا جاچکا ہے۔

اقوام متحد ہ سمیت مختلف بین الاقوامی ادارے غزہ ہیومینی ٹیرین فاونڈیشن کے ساتھ مل کر کام کرنے سے انکار کرچکے ہیں، ان کا کہنا تھا کہ مسلح امریکی سیکیورٹی اہلکاروں اور اسرائیلی فوجیوں کے ساتھ امداد کی ترسیل کو جوڑنا بنیادی انسانی حقوق کے منافی ہے۔